کراچی ءِ پریس کلب ءِ دیم ءَ وی بی ایم پی ءِ زھرشانی بنجل ءَ پشمبے سیزدہ جنوری ءَ چار ھزار ءُ پنچ سد ءُ پنجاہ ءُ ھپت روچ سرجم بیتگ ھمدردی کنوکانی تہ ءَ چہ کراچی ملیر ءَ عبدالقادر بلوچ، ماسٹر شفیح مھمد بلوچ، عبدالغنی بلوچ ءُ دگہ مردم ھوار بیتگ اَنت –
وی بی ایم پی ءِ رھشون ماما قدیر بلوچ ءَ اتکگیں مردمانی میان ءَ تران کنان ءَ گوشتگ کہ ھنچش داں انگت ءَ بلوچ راجی پُر ایمنیں جد ءُ جھد ءِ درگت ءَ گوشگ درشان کنگ بیگ ءَ اِنت اے پنچمی لشکر کشی اِنت، لشکر کشیاں بلوچ ورنائیں نودربر سیاسی باسک داں انگت ءَ پنجاہ ءُ دوھزار ءُ چار سد ءُ سِی ءُ شش مردم زورانسری آوار جنگ ءُ بیگواہ کنگ بیتگ اَنت ءُ بیست ھزار ءِ نزیک ءَ زانگولیں لاش دزکپتگ اَنت ءُ سیزدہ سالاں چہ بیگواھیں مردمانی ھاتر ءَ یک شد کشیں ھرتالی بنجلے برجاہ اِنت ما یل کنائینگ ءِ ھاتر ءَ بلوچ راجی پُر ایمنیں جد ءُ جھد ءِ سرپاں اشتوک ءُ یک مشتیں جان ببا دیوکیں ھما گمنامیں شھیدانی کربانیاں درشان کنگ ءَ اِنت آیاں ھمے اُمیت ءَ وتی جان ندریگ کرتگ مئے برات مئے پت ءُ اے مشن ءَ داں گڈسر ءَ سر بہ کن اَنت –
آئی ءَ گشتگ کہ بلے راجدپتر ءِ یکشلی میانی گار اِنت کجام پرایمنیں جد ءُ جھد ءِ بنکی ءُ سرجمی ءَ جاڑیگ اِنت چریشی ءِ ھوار کنگ ءِ بندات بہ کنت دانکہ آیوکیں نسل ءِ ھواری ءَ اے دشمن ءُ سرجمیں مھلوک ءَ اے سرپدی بہ بیت اِنت اے جد ءُ جھد پانزدہ سالاں چہ برجاہ اِنت مارا چہ گیش مئے دشمن ءُ دنیا ءَ راجدپتر ءِ سرپدی ھست اِنت مئے بنریشگ ھمیشانی منت ءَ اِنت ما کے اِنت مئے راجی مزاج ءُ روہ کے اِنت بلے ھرچی درکپتگ دیم پہ منزل ءَ گڑا مار وتی رویش ءِ لوٹ راجدپتر ءِ نہ کُٹوکیں تاکاِ ایر کنگ ءُ مھر کنگی اِنت-