پریمئیر لیگ فٹبال گوازی برجاہ، اسپین کپ ءِ سیمی فائینل ءَ رئیل میڈریڈ ءَ سَے گول ءَ گوازی کٹ اِتگ

گوستگیں شپ ءَ سعودی ءَ کِنّگ فھد انٹر نیشنل فٹبال گوازی پٹ ءَ بوتگیں اسپین کپ ءِ سیمی فائینل گوازی رئیل میڈریڈ ءَ وتی نام ءَ کُتگ وت ءَ فائینل ءَ سر کُتگ –

اسپین کپ ءِ دوشی شپ رئیل میڈریڈ ءُ بارسلونا ءِ میان ءَ بوتگیں سیمی فائینل گوازی ءَ ھردو ٹیمانی لیبیاں جوانیں لیب پیش داشتگ رئیل میڈریڈ ءَ بارسلونا دیم ءَ سَے پہ دو گول ءَ گوازی کٹ اِتگ –

رئیل میڈریڈ ءُ بارسلونا میان ءَ بوتگیں گوازی ءَ رئیل میڈریڈ ءِ لیبی وینی جے آر ءَ بیست ءُ پنچمی ملٹ ءِ تہ ءَ یک گولے اسکور کتگ وھدیکہ لیبی ایل.ڈی جونگ ءَ چِل ءُ یکمی ملٹ ءِ تہ ءَ بارسلونا ءِ نیمگ ءَ چہ یک گولے اسکور کتگ ھردو ٹیم دیمیگ بوتگ انت –

دومی ھاپ ءَ رئیل میڈریڈ لیبی ءَ بینزیما ءَ ھپتاد ءُ دومی ملٹ ءِ تہ ءَ دومی گول اسکور کتگ بارسلونا ءِ لیبی انسو پاٹی ءَ ھشتاد ءُ سیمی ملٹ ءِ تہ ءَ گولے موکتگ بلے پہ گیشیں گول ءَ اسکور کنگ ءَ بارسلونا ءِ ٹیم بے سوب بوتگ ءُ ھمے میان ءَ نود ءُ ھشتمی ملٹ ءَ رئیل میڈریڈ ءِ لیبی فیدریکو وتی کلب ءِ نیمگ ءَ چہ سیمی گول اسکورے کُتگ سیمی فائینل ءِ گوازی وتی ٹیم ےِ نام ءَ ئِے کُتگ –

دومی نیمگ ءَ گوستگیں شپ ءَ بوتگیں یورپئین پریمئیر لیگ فٹبال گوازی ءَ ویسٹ ہام ءَ نارویچ سٹی ءِ دیم ءَ دو گول ءَ گوازی کٹ اِتگ –

نارویچ سٹی ءُ ویسٹ ہام ءِ میان ءَ بوتگیں گوازی ءَ ویسٹ ہام ءَ دو گول ءَ چہ گوازی کٹ اِتگ وھدیکہ نارویچ سٹی ءِ نیمگ ءَ چہ ھچ گول اسکور کنگ نہ بوتگ –

ویسٹ ہام ءِ نیمگ ءَ چہ ھردو گول لیبی جے. بوون ءَ داتگ انت گوازی وتی ٹیم ءِ نام ءَ کُتگ –