کراچی ءَ ھواریں دمگ بلوچستان ءِ باپاری شھر ھب ءَ گیس لوڈشیڈنگ ءِ ھلاپ ءَ چارشمبے ءِ روچ ءَ شھریاں بازیں کچے ءَ زھرشانی کنان ءَ بلوچستان ءُ کراچی ءَ ھواریں دگ سرجمی ءَ بند کنگ بیتگ-
زھرشانی ءَ ھواریں زالبول ءُ زھگاں ٹائر مانداشتگ ءُ ھرچ وڑیں روانی مھتل کتگ اَنت چریشی ءِ سبب ءَ دگ ءِ ھردوکیں نیمگاں گاڑیانی دراجیں لگ اِتگ اَنت ءُ ھزارانی کچ ءَ مساپر زھرشانی سبب ءَ جنجالانی دیمپان –
اے وھد ءَ زالبولانی گوشگ اَت گیس ءِ پریشر ءِ کمی ءِ سبب ءَ آس روک جاھاں بازیں جیڑھانی دیمپانی اِنت سھب ءَ زھگ ابید ھرز بند ءَ وانگ جاہ ءَ روگ ءَ اَنت-
آیاں گوشتگ کہ ھب ءِ باپاریاں گیس پجارینگ بیتگ بلے مھلوک ءَ ناں بلکیں گیس کراچی ءُ پنجاپ ءَ برگ بیت اِنت-
زھرشانی کنوکانی گوشگ اَت کہ گیس ءِ پریشر ءِ کمی ءِ سبب ءَ مردماں بازیں کچے ءَ جنجالانی دیمپانی اِنت ءُ انتزامیہ ءَ ایس ایس جی ءِ دیم ءَ سرجم ءَ بے وس اِنت ءُ ما شھری لاچاری ءَ کپتگ اِنت-
آیاں سروزیر بلوچستان عبدالقدوس بزنجو ءَ سرجمی ءَ گامگیج زورگ ءِ لوٹ کرتگ ءُ ھب ءَ گیس ءِ کمی ءِ گامگیج زورگ ءِ دزبندی کتگ-
انتزامیہ ءَ باورکنائینگ ءَ ہد شھریاں دگ پچ کتگ ءُ گشتگ اگاں گیس سرجم نہ بیت گڑا باندا پد ءَ یک رندے پد ءَ شھدگ بند کنگ بیت اِنت –