بلوچ آجوئی لوٹوکیں سلاہ بندیں گل بلوچ ریپبلکن آرمی ءِ جارکش بیبگر بلوچ ءُ یونائیٹڈ بلوچ آرمی ءِ جارکش مرید بلوچ ءَ رسانکدراں وتی شنگ کرتگیں یکجاھیں درشانے شنگ کرتگ گوشتگ کہ بلوچ ریپبلکن آرمی ءُ یونائیٹڈ بلوچ آرمی ءِ کمانڈ کونسل ءِ پتر ایردستیں بلوچستان ءَ بوتگ کہ اود ءَ بلوچ راجی راجداری ءُ سلاہ بندیں جنگ ءِ سر ءَ باوست بوتگ – کہ راجی سلاہ بندیں جنگ ءَ گیش کنگ ءُ پاکستان ءِ پوجی فاشزم ءِ دیمیگ ءَ بلوچ سلاھبندیں تاکت ءَ یکجاہ کنگ ءِ ھاتر ءَ بی آر اے ءُ یو بی اے ھوارینگ ءُ “بلوچ نیشنلسٹ آرمی ” بزاں بی این اے ءِ نام ءَ راجی سلاہ بندیں جنگ ءِ برجاہ دارگ ءِ جار جتگ –
درشان ءِ تہ ءَ گوشگ بوتگ کہ بی این اے رسانکدراں جارکش بس مرید بلوچ بیت اِت انت وھدیکہ گل آفیشل چینل ءِ نام باسک بیت انت ءُ وھدیکہ بی این اے گوستگیں بی ار اے ھساب ءَ بلوچ راجی آجوئی سنگر (براس) بھرے بیت اِنت –
دیمتر ءَ درشان ءِ تہ ءَ گوشگ بوتگ کہ بلوچ نیشنلسٹ آرمی ءِ بنجاھی کمانڈ کونسل گل ءِ درسیں جنگی سُر پرانی چار گزار ءَ کنت ءُ گل اے کول ءَ کنت کہ زورگیریں پوج ءُ آھانی گوم ءَ بھر زورکانی سرجمی درآیگ ءَ وتی جھد ءَ برجاہ داریت ءُ نوکتریں شوربندانی رِد ءَ آئی ءِ تہ ءَ ترندی کار ایت –