کیچ ءُ آواران ءَ پوج ءِ چوکیانی سر ءَ اُرش

سر بیتگیں ھالانی رد ءَ بلوچستان ءِ دمگ کیچ ءُ آواران ءَ سلاہ بندیں مردماں پاکستانی پوج ءِ چوکیانی سر ءَ اُرش کرتگ اَنت –

سر بیتگیں اھوالانی تہ ءَ گوشگ بیتگ کیچ ءِ دمگ دشت ءَ نوکیں راہ ءَ سلاہ بندیں مردماں پاکستانی پوج ءِ چوکی ءِ سر ءَ اُرش کرتگ-

دمگی اھوالانی رد ءَ پوج ءَ تاوانانی دیمپانی کنگ کپتگ، بلے تنی وھدی اشی ءِ راستی نہ بیتگ –

ھمے وڑ ءَ آواران ءِ دمگ جھاؤ کوھڑو ءَ پاکستانی پوج ءِ بنجل ءِ سر ءَ سلاہ بندیں مردماں اُرش کرتگ –

دمگی مردمانی رد ءَ اُرشکاراں پوج ءِ سر ءَ راکٹ لانچر ءُ دگہ سلاھاں اُرش کرتگ-

زانگ بہ بیت مروچی بلوچستان ءِ دمگاں اے دومی اُرش اِنت کہ پوج ءِ سر ءَ بیگ ءَ اِنت ءُ پوجی واکدارانی نیمگ ءَ تنی وھدی اے اُرشانی گپ دیم ءَ نیتکگ اَنت ءُ نانکہ سلاہ بندیں گلاں اُرشانی زمہ واری منّ اِتگ اَنت-