ھور ءِ سوب ءَ لوگ ءِ چھت کپتگ ءُ سَے زھگ بیران بیتگ وھدیکہ دو ٹپی بیتگ اَنت
گیشتریں ھالانی رد ءَ اے وئیل بلوچستان ءِ دمگ اوتھل ءَ دیرجا گوٹھ شفیع مھد شاھوک دیما اتکگ کہ اود ءَ کھنیں لوگے ءِ چھت کپتگ، ءُ چھت ءَ کپتگیں موادانی سوب ءَ سَے چُک بیران وھدیکہ دگہ دو سک ٹپی بیتگ اَنت۔
مواد دیر کنگ ءُ ٹپی ایں چُک نگیگیں جاورانی تہ ءَ نزیک ءِ ھسپتال برگ بیتگ اَنت۔
زانگ بہ بیت ھورانی سوب ءَ چھتانی کپگ ءِ بازیں وئیل دیما اتکگ اَنت ءُ بلوچستان ءِ زرباری شھر گوادر ءَ ترندیں ھورانی سوب ءَ کھر آماچیں دمگ ھم نامینگ بیتگ۔