آفتاب نمیران انت-زھران بلوچ

نبشتانک: آفتاب نمیران انت

نبشتہ کار: زهران بلوچ

دی بلوچستان پوسٹ

ھاسسائیں موسم ءَ دیم پہ شھر ءَ شتگ ات داں دراجیں پند ءَ پد ها شهر ءِ میان ءَ اوشتاتگ ات داں دیراں شہر ءِ زیبائی ءَ چارگِ ءَ ات پد ءَ آئی ءَ بے انانی شھر ءِ دمک ،در،دروشم ، گوات رخصت کت انت ءُ کوہ زادگ ءُ جنگل پرستِ جوڑ بوت هردیں شپ کپتگ ات گڑا دور نشت ءُ جیڑ اِت ئِے، وتی مہروانِیں زمین ءِ ترانگَ ءَ کپت پد ءَ دیراں ھاموش ات، ھور ءِ موسم ءَ دیراں اوشتات جنگل ءُ کوھانی ندارگے چار اتگ ات، آئی ءَ اوپار سگ درست زمین ءَ گوں ھوار کپتگ ءُ پیوست بوتگِ اِت اَنت ھردیں روچِ ءِ روشنائی زمینِ ءِ سر ءَ کپت انت گڑا گوں روچ ءِ روشنائی ءُ ھردیں ماھکانیں شپ بوتگ ات کارستی کسہ کتگ اِت ئِے پرچہ کہ ھا کارست ءِ شوھاز ءَ وتن زادگِ جوڑ بوگ ءَ زمین ءِ عشقِ ءَ چو مرید ءَ کوہ پہ کوہ جنگل پہ جنگل بوھگ لوٹگ ءَ ات دسمبر ءِ برپ بستگیں سردی بہ بیت یا جولائی ءِ تپتگیں روچ بے قرار ءِ نامے نہ زانت سپرِ کت ئِے ءُ مدام جیڑگاں رند ھمے گشت ئِے زمین ءَ مارا مزن کتگ-

پہ زمین ھرچی یلدئیگی انت داں گڈی ھکگ ءَ پھریزگی انت کدی کدی وت ءُ زمین ءَ الوت کتگ کس نزانت باریں چے گشتگ ئِے بلے مدام گڈی الوت ھمے بوتگ ئِے زمین تو من ءَ سک دوست بہ ئِے انچیں تہار ماھیںِ شپِ ھا کارستانی کسہ کنگ ءَ ات سرگوات ءَ لہتے کلوہ گون ات گرنچءَ ڈکداتگِ اِت اَنت تئی ھا آئی کنٹ ءَ چگل دات انت تئی ھردیں آئی وتی کلوھانی ڈک پچ کتاں تاں آئی ءِ عشقی زمین ءِکلوہِ ات اَنت گشگ ءَ ات اَنت ،ھانی پہ تو پہر بندگ ءَ انت تئی مڈاہ ءُ توسیپ ءَ کنگ ءَ انت بلے گشگ ءَ انت بے تو من سک ابیتک ھردیں تئی کارست سرجم بوت گڈاں تو نمیران ءُ من ابدمان باں گڑا چو ھرکس تئی وڑ ءَ کارستِ ءِ شوھاز ءَ درکپ ایت بلے مدام تو، کوہ مدام آباد ءُ نمیران باتاں تئی مہروانِ گڈی کلوہ! پد ءَ ھا مدام سپرِ ءَ ات گشے وت ءَ گیش ابدمان کنگ لوٹگ ءَ ات بلے پد ءَ ھردیں روچَ رخصت بوت دیر نشتگ ات گشے زاناں جیڑگ ءَ کپتگ ات پد ءَ وتی تیوگیں سپرِ کسہ ءَ کنگ ءَ ات وتی سپر کارستاں وت ءَ گوں ھوار کنگ لوٹگ ءَ ات پد ءَ ھر چیز ءَ جنزینگ ءِ سکین دیگ ءَ ات درچک، دار، کوہ ءُ کوچگ ،کور ، دریا،اشاں گیش نزدیک ءُ مہروان بوگ ءَ ات بلاھیں جیڑگ ءَ رند سگریٹے روک کت ئِے ،پد ءَ کسہ کنگ ءَ ات پد ءَ پاداتک سگریٹے دور دات شپ نیم ءَ شتگ ات وتی چادرِ چنڈ ات ھمے گشت ئِے نو بس پشکپتگیں بیراں کہ سرپ انت او ھدریچ شون دیگی انت پد ءَ داں ھما انت ویل ات کوہ،جنگل،کوچگ،تہ ءَ کسے هم دیستگ وتی سپرِ کسھے کت پد ءَ زھری،زھری درچکانی سر ءَ شوکیں کپوتانی کسھے کتگ اِت اَنت گیش ھما تیر وارتگیں کپوت ءِ کسہ کت کہ تپنگی ءَ جت ءُ ٹپی کتگ ات مدام چہ وتا همے پسًو لوٹیتے کپوت ءَ را تپنگیءَ پرچہ جت بلے پسہ نہ رست پد ءَ داں مدام بیگاہءَ جبل نو ءِ سرا ۔نشت دگِ سرا رؤکیں ءُآؤکیں مردم ،موٹر،دگ چاریتاں تاں اے درست ناسرجمیتاں پمکشہ آئی وتی تہا ماهکانیں شپِ،دشت ءُ کربلاِ داشتگ ات ھا تھنا کوہ زادگِ پشت کپتگ ات آئی ءَ بِھ ناسرجمی ،زنگ نہ جت پرچہ کہ آئی زانتگ ات روچ نہ روچ سپر منا سرجم کنت ءُ پد ءَ من تیوگیں ءُابدمانیں کارستِ جوڑ باں گڑا پد ءَ ھاں نمیران بوت ءُ سرجم بوت آئی ءَ رستگیں چنالے نزیک ءَ روشنائی چیرا زمین ءِ میاراں دیگ بوت آئی واھگ سرجم بوت مدام پد ءَ انچو زانگ بوت کہ بلوچِ بوتگ مدام پہ پہ کارستانی سرجم کناگا سپر کتگِ گلِ زمین ءَ سر بوتگ ،وت ءَ نمیران ءُ وتن ابدمان کت-

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔