تربت ءَ سیکورٹی پوج ءِ نیمگ ءَ ٹٹ جنگ ءِ امل مھلوک ءَ ایرجتگ

دی بلوچستان پتر ءَ سربوتگیں ھالانی رِد ءَ بلوچستان دمگ کیچ ءِ بنجاھی شھر تربت ءَ سیکورٹی پوج ءِ نیمگ ءَ دمک ءُ دراں ٹٹ جنگ ءُ اڑاند پیدا کنگ ءِ سوب ءَ دمگی مردم پریشان کتگ انت –

گوستگیں چیزے روچ بیت کہ تربت ءِ بازیں دمگ ءَ ایپ سی ءَ دمک ءُ در بند کتگ انت – دمگی مردماں شکایت کتگ گوشتگ کہ ٹٹ جنگ ءِ امل سیمسراں بندات بوتگ نوں بازار ءُ دمک دراں سربوتگ – تربت ءِ بازیں دمگاں ھوار گوستگیں شپ ءَ فنصاری گلی ءِ نزیک ءَ گوادر ءُ تمپ ءِ اسٹاپ ھم سیکیورٹی ادارھانی نیمگ ءَ.چہ بند کنگ بوتگ –

دمگی مردمانی گوشگ انت کہ اشی ءَ چہ مھلوک بازیں اڈ ءُ جنجالانی دیمپان انت راھانی بند کنگے سوب ءَ ایمرجنسی ءَ دمگی مردماں بازیں اڈ ءُ جنجال ءِ دیمپانی بوھگ انت –

انجمن تاجران کیچ ءِ سرکماش حاجی کریم بخش بلوچ اے درگت ءَ گوشگ ات کہ تربت ءِ بازار ءَ واکدار ءُ سرکاری ادارھاں شش جاھاں سِی سِی فُٹ ءِ دگ کہ مھلوک ءِ گوزگے راھیں ٹٹ جتگ ءُ بھر کتگ ھنچوش کہ دمک ءِ یک نیمگے پاکستان ءُ دومی انڈیا انت –

آئی ءِ گوشگ ات کہ بازار ءِ تہ ءَ ٹٹ جنگ ءَ ما ھچ وڑ ءَ نہ منّیں اگاں تاں باند ءَ اے دیر کنگ نہ بوتاں گڑا دست ءِ وت اشاں گوج انت ءُ دور دے اَنت –