بلوچستان ءِ بنجاھی شھر شال ءَ گیس لیکیج سوب ءَ تراک ءِ تہءَ دو زھگ ءُ دو جنین آدماں ھوار شش مردم ٹپیگ بیتگ اَنت۔
رکینگی کارمندانی ردءَ شال ءَ سریاب دگ ءِ ھند غفور ٹاؤن ءَ لوگے ءَ گیس لیکیج ءِ سوب ءَ تراک بیتگ۔
تراک ءِ سوب ءَ ٹپی بیتگیں ءُ ستکگیں زھگ ءُ زالبول زیت بولان میڈیکل کمپلیکس ھسپتال ءِ برن وارڈ ءَ برگ بیتگ اَنت۔
زانگ بہ بیت کہ گوستگیں روچاں ھم شال ءِ ھند بلیلی ءَ یک لوگے ءَ گیس لیکیج ءِ سوب ءَ تراک بیتگ اَت کہ آئی سوب ءَ لوگے چھت کپتگ اَت۔ تراک ءَ لوگے 5 مردم ھم ستکگ ءُ ٹپی بیتگ اِت اِنت۔