سربوتگیں ھالانی رِد ءَ بلوچستان ءِ ضلع پنجگور ءَ ناشناسیں سلاہ بندیں مردماں پاکستانی لشکر ءِ سر ءَ اُرش کتگ-
گیشیں ھالانی رِد ءَ پنجگور گوران ءِ ھند ءَ سی پیک دگ ءِ سر ءَ ناشناسیں سلاہ بندیں مردماں پاکستانی پوج ءِ یک کاروانے نشانگ کتگ-
ھالانی رِد ءَ اُرش ءَ پد لشکر ءُ سلاہ بندانی میان جنگ ءُ چوپ بوتگ، سلاہ بندانی اُرش ءَ پوج جانی تاوانانی دیمپان کنگ کپتگ دومی نیمگ ءَ ھچ وڑیں تاوان نیست-
زانگ بہ بیت بلوچستان ءَ پاکستانی پوج ءِ سر ءَ اے دومی اُرش اِنت وھدے کہ اشی ءَ ساری تربت ءِ دمگ ناصر آباد ءَ پوج ءِ یک کاروانے گوں بمب ءَ نشانگ کنگ کپتگ-
تربت ءَ پوج سر ءَ بوتگیں اُرش ءِ زمہ واری بلوچ لبریشن آرمی ءِ جارکش جئیند بلوچ ءَ منّ اِتگ ءُ گْوشتگ کہ تربت اُرش ءَ پاکستانی پوج ءِ شش کارندہ کشتگ-