پریمئیر لیگ فٹبال گوازی ءَ مانچسٹر سٹی ءَ گوازی یک گولے ءَ کٹ اتگ

یورپئین پریمئیر لیگ فٹبال گوازی برجاہ انت دوشی شپ ءَ برینٹفورڈ ءُ مانچسٹر سٹی، چیلسیا ءُ برائیٹون ءِ میان ءَ گوزی کنگ بوتگ اَنت –

دوشی شپ ءَ بوتگیں اولی گوازی چیلسیا ءُ برائیٹون ءِ میان ءَ کنگ بوتگ کہ ھردو ٹیم یک یک گولے ءَ دیمیگ بوتگ انت – چیلسیا ءِ نیمگ ءَ چہ لیبی آر.لُکاکو ءَ بیست ھشتمی ملٹ ءِ تہ ءَ یک گولے اسکور کتگ ءُ پد ءَ برائیٹون ءِ دیم جوانی ءَ داشتگ بلے دومی ھاپ ءِ گڈسر ءَ برائیٹون ءِ لیبی ڈی.ول بیک ءَ نودمی ملٹ ءِ تہ ءَ چہ وتی ٹیم ءِ نیمگ ءَ یک گولے اسکور کُتگ ھردو ٹیم یک یک گولے ءَ دیمیگ بوتگ انت –

دومی گوازی مانچسٹر سٹی ءُ برینٹفورڈ ءِ میان ءَ بوتگ کہ مانچسٹر سٹی ءَ یک گولے ءَ گوازی کٹ اتگ ءُ برینٹفورڈ ءِ نیمگ ءَ چہ ھچ گول اسکور کنگ نہ بوتگ –

مانچسٹر ءِ نیمگ ءَ چہ یکیں گول لیبی پی فوڈن ءَ شانزدھمی ملٹ ءِ تہ ءَ اسکور کتگ گوازی وتی ٹیم ءِ نام ءَ کتگ –