تربت ءَ پاکستانی پوج ءِ سر ءَ بوتگیں اُرش ءِ زمّہ واری ءَ بی ایل اے ءَ منّ اِتگ

کیچ کور ءَ پاکستانی پوج ءِ دو کارمندانی سر ءَ دستی بمب اُرشے کُتگ – جئیند بلوچ

بلوچ سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ مئے سرمچاراں گوستگیں شپ ءَ تربت ءَ ڈی بلوچ دگ ءِ سر ءَ کیچ کور ءَ زورگریں پاکستانی پوج ءِ کارمند ھما وھد ءَ دستی بمب اُرش ءِ نشانگ جوڑ کرتگ اَنت وھدیکہ وتی پانگس ءَ ڈن اُوشتوک بوتگ انت – اُرش ءَ دو کارمند زدگ بوتگ –

جارکش ءَ گوشتگ پد ءَ رند ءَ زورگریں پوج ءَ نزیک گور ءِ گِسانی سر ءَ بیڑ برتگ ءُ دسٹ گوشیں مردم بیھار داتگ انت، بلوچ سرمچارانی سوب مندیں اُرشاں پد گوستگیں روچ ءَ ھم تُرسوکیں دژمن پوج ءِ کارمنداں تربت شھر ءَ تیرگواری کتگ ءُ مردم بیھار داتگ انت –

جارکش ءَ گوشتگ سرمچارانی دست ءَ شکست وارتگیں زورگیریں پوج لس مھلوک ءَ وتی نشانگ کنگ انت مھلوک ءَ کارمرز کنگ ءِ کوشست انت –

جارکش ءَ وتی درشان ءِ گڈسر ءَ گوشتگ کہ بی ایل اے اُرش وتی مکسد ءَ سوبین ءَ تاں برجاہ مان انت –