پسنی ءَ پاکستانی سیکورٹی پوج ءِ رویشانی بگیری ءَ دریاوردانی زھرشانی

بلوچستان ءِ تیاب دپی دمگ گوادر پسنی ءَ مروچی سَے شمبے ءِ روچ ءَ دمگی دریا وردانی مزنیں کچے ءَ پاکستان میرن سیکورٹی ایجنسی ءِ رویشانی بگیری ءَ زھرشانی کتگ –

دریاورداں پسنی جیٹی برج ءَ برجاھیں ایم ایس اے ءِ پانگس ءِ دپ ءَ وتی زھرشانی ریکارڈ کنائینتگ -.

دریاوردانی رِد ءَ ایم ایس اے ءِ کارمند دریا ورداں چہ وتی زاتی کاراں کنائیناں ءُ دریاورداں ماھیگیرے شکار روگ ءَ نیل انت ءُ آھاں نگن جوڑ کنگ پرمائینت ءُ وتی سرکاری بُٹانی ساپ کنگ پرمائینت –

دریاوردانی گوشگ ات کہ ایس ایم اے ءِکارمندانی رویشانی زوراکی ءُ مئے ازت ءُ نفس ءَ دزجن کنگ ءَ انت – اگاں اشاں وتی رویش بدل نہ کُرت گڑا ترندیں زھرشانی راہ ءَ گچین کن ایں –

زانگ بہ بیت بلوچستان ءِ تیاب دمگ گوادر، پسنی، اورماڑہ ءُ جیونی ءِ دمگی میرین سیکورٹی ءَ ھوار دگہ ادارہ بازیں دھکاں زھرشانی کنگ ءَ انت –

دریا وردانی گوشگ انت کہ اے ادارہ آھانی شکار دیم ءَ اڈاند انت ءُ گیرکانودی ٹرالنگ ءَ ھم دست ءِ مان انت –

زانگ بہ بیت بلوچستان ءِ تیاب دپی دمگ گوادر ءَ ھمے سال ءِ نومبر ءُ دسمبر ءَ زھرشانی کتگ ءُ نندانک جتگ ات ءُ آھانی بنکی لوٹانی تہ ءَ دریاوردانی شکار ءِ روگ ءَ نیلگ ءُ گیرکانودی ٹرالنگ ءُ سیکورٹی پوج ءِ رویش ءِ ھلاس بوگ ھوار بوتگ –