سربوتگیں ھالانی رِد ءَ بلوچستان ءِ دمگ کیچ تربت ءَ ناشناسیں مردمانی تیرگواری ءَ یک مردمے بیران-
گیشیں ھالانی رِد ءَ ناشناسیں سلاہ بندیں مردماں کیچ ءِ بنجاھی شھر تربت ءَ گوادر اسٹاپ ءِ سر ءَ ھجام ءِ دکان ءَ یک مردم ءِ تیرباران کُتگ کُشتگ آئی پجار اعجاز نام ءَ چہ بوتگ سند ءِ دمگ گوٹکی ءِ نندوک انت –
دمگی واکداراں جون دستگپتگ ءُ گیشیں پٹ پول کنگ ءَ انت وھدیکہ شھر ءِ رؤگے آھگ ءِ در پوج ءَ بستگ ءُ چیک تان کنگ ءَ انت –
بنداتی ھالانی تہءَ کوش ءِ درگت ءَ گیشیں سرپدی نہ رستگ –
زانگ بہ بیت لھتے روچ ساری تربت ءَ بمب اُرش ءَ بی ایل اے ءَ پنجاپ ءِ جاھمنند نشانگ کُتگ انت وھدیکہ تراک ءَ فرنٹیر کور ءِ یک کارمندے ھم مرتگ ات –
بی ایل اے ءِ جارکش ءَ وتی درشان ءِ تہ ءَ گوشتگ ات کہ بی ایل اے ءَ باز براں اے گپ ءَ پیسر ءَ جتگ کہ بلوچستان جنگ زدہ ءِ دمگے ءُ آباد کار زانت ءُ نزانتکاری زورگیریں پوج ءِ بھر مہ بنت اگاں ناں آھانی گوم ءَ ھما وڈ کنگ بیت انت کہ دشمن پوج ءِ بگیری ءَ کنگ بیت اِنت