نیشنل ڈیموکریٹک پارٹی ءِ بُنجاھی جارکش بانک کریمہ بلوچ ءَ اولی سال روچ ءِ سر ءَ آ سُھرچکیں دروت ندر کتگ ءُ گْوشتگ کہ بانک کریمہ بلوچ ، بلوچ راجی جُھد ءَ یک زالبولے کہ آ بلوچ چاگرد ءَ زالبول اھمت ، دلیری ءُ جُھد دْرچ ءِ یک بے مسالے اَت آئی ءَ بلوچ راج ءِ رُژن ءِ زندمان ءِ ھاتر ءَ سرجمیں نیم ٹکی ءُ نیم جاگیرداری سوچ ءَ ھوار ریاستی زُلم ءِ پادانی چیر ءَ کتگ ءُ دیم ءَ روگ ءَ اَت بلے بدبھتی ءَ چہ یک سالے ءَ ساری آ بلوچ جھد ءِ ھاتر ءَ شھید کُت-
جارکش ءَ دیمتر گوشتگ کہ بانک کریمہ بلوچ راجی رکینگ ءِ یک جتائیں بچّارے ءُ بلوچ راجی جھد ءَ یک آئرن زالبولے ءِ نام چہ زانگ بیت- آئی اوپار ءُ سکگ ءِ ھمراھی ءَ بلوچ راجی سیاست ءَ دیم ءَ برگ ءَ اَت- ایک انچیں وھدے ءَ آئی ءَ وتی گل ءِ کرد پلوک کتگ اَنت وھدے یک نیمگے ریاست ءِ نیمگ ءَ چہ کُش ءُ دور پالیسی ءِ رِد ءَ سیاسی باسکاں زورانسری آوار جنگ اَت، نشانگ کنگ ءَ اِت اَنت ءُ آیانی ٹپ ءُ ٹوریں لاشاں دور دیگ ءَ اَت بلے بانک کریمہ بلوچ یک مُھریں کوھی ءَ سرجمیں سکّی ءُ بزگیاں اوپار کنگ ءُ دیم ءَ کنزگ ءَ اَت-
جارکش ءَ گوشتگ کہ بلوچ چاگرد ءِ تہ ءَ کریمہ بلوچ گھگیری چراگ اِنت- ھر بلوچ ھاسکار زالبول ھاتر ءَ کریمہ بلوچ جھد ، سیاسی زانشتی ، آئی ءِ جُھد ءِ دْرچ یک کتابے ءِ دروشمے ءَ اِنت چریشی ءَ بلوچ زالبول دیم ءَ ایر کتگ ءُ بلوچ سیاست ءَ دیم برگ ءَ کرد پیلو کُت بہ کن اَنت- چاگرد ءَ ھاسکار سیاسیت ءِ تہ ءَ ھرکسے ءِ تہ ءَ یک ازمے ھست بلے کریمہ بلوچ یکیں زالبولے اِنت کہ آ سرجمیں بلوچ زالبولانی واست ءَ ازمے جوڑ بوتگ-
جارکش ءَ وتی درشان ءِ تہ ءَ گوشتگ کہ بلوچ راجی ادارہ اگاں لوٹ اَنت کہ آ کریمہ بلوچ ءِ زندگی، آئی ءِ سیاست ، آئی ءِ جھد ءَ را جھان ءَ سرپد بہ کن اَنت گُڑا اد ادارھاں لوٹ اِیت کہ آ کریمہ بلوچ سر ءَ پٹ ءُ پول بہ کن اَنت، آئی ءِ سر ءَ بہ لک اَنت ءُ سرجمیں جھان ءَ اے کلوہ ءَ سر بہ کن اَنت یک جُھدے ءِ بستارے ءِ مات کریمہ بلوچ ءَ بلوچ راجی سیاسیت واست ءَ نوکیں راہ شون اِتگ-