تربت ءَ پوجی پانگس ءِ سر ءَ اُرش، یک کارمندے زدگ

سربوتگیں ھالانی رِد ءِ بلوچستان ءِ دمگ کیچ ءِ بنجاھی شھر تربت ءَ ناشناسیں مردماں پوجی پانگس ءِ سر ءَ دستی بمب اُرشے کُتگ، اُرش ءَ یک کارمندے زدگ بوتگ-

اُرش تربت ءَ پارک ءِ نزیک ءَ برجاھیں پوجی پانگس ءِ سر ءَ کنگ بوتگ ، چریشی ءَ یک کارمندے زدگ بوتگ –

زانگ بہ بیت کمے ادارانی میان ءَ بلوچستان ءَ اے دومی بمب اُرش انت – اشی ءَ پیش شال ءَ بمب تراک ءِ بوتگ ات کہ یک مردم ءِ بیران ءُ ھپت زدگ بوتگ – تنی وھدی ھردو اُرشانی زمہ واری ھچ وڈیں گلانی نیمگ ءَ چہ منّگ نہ بوتگ انت –