دشت مزن بند ءَ پاکستانی پوج ءِ سر ءَ بوتگیں اُرش ءِ زمّہ واری بی آر اے ءَ منّ اِتگ

بلوچ آجوئی لوٹوکیں سلاہ بندیں گل بلوچ ریپبلکن آرمی ءِ جارکش بیبگر بلوچ ءَ رسانکدراں وتی شنگ کرتگیں درشان ءِ تہ ءَ دشت مزن بند ءَ پاکستانی پوج ءِ سر ءَ بوتگیں اُرش ءِ زمّہ واری منّ اِتگ-

جارکش ءَ گوشتگ کہ مئے سرمچاراں پاکستانی پوج ءِ سر ھما وھد ءَ اُرش کُتگ کہ آ پیادگ ءَ وتی پانگس ءِ نیمگ ءَ رؤگ ءَ بوتگ انت –

جارکش بیبگر بلوچ ءَ دیمتر ءَ گوشتگ کہ مئے سرمچاراں اُرش مروچی سھب ءَ مزن بند ءَ گٹی کور پیادگ وتی پانگس ءَ رؤکیں پوجی کارمندانی سر ءَ کُتگ ءُ اُرش ءِ آسر ےَ دو پوجی کارمند ھما دمان ءَ مُرتگ –

گڈسر ءَ آئی وتی درشان ءِ تہ ءَ گوشتگ زورگیریں پوج ءِ سر ءَ مئے اُرش داں ھما وھد ءَ برجاہ مان انت تانکہ دژمن بلوچستان ءَ یل نہ کنت –