کراچی ءَ بیگواھیں مردمانی ھاتر ءَ زھرشانی برجاہ اِنت

ریاست ایوک ءَ ناں بلکیں سرجمیں پاکستان ءِ چاگرد بلوچ نسل کُشی ءَ جائز سرپد بنت – ماما قدیر بلوچ

کراچی ءِ پریس کلب ءِ دیم ءَ برجاھیں وائس فار بلوچ مسنگ پرسنز ءِ ھرتالی بنجل ءَ چار ھزار ءُ پنچ ھزار ءُ بیست ءُ ھشت روچ سرجم، بلوچ وائس ایسوسی ایشن فرانس ءِ پریذیڈنٹ منیر احمد مینگل ءَ بیگواھیں مردمانی کھولانی پدردی درشان کتگ –

ھمے وھد ءَ آئی ءَ گُشتگ مہ اے سلسلگ وتی ھد ءَ سر گوز کنان اِنت گوستگیں ھپتاد ءُ دو سالاں جتا جتائیں وھداں برجاہ اَنت ءُ گوستگیں بیست سالاں یکشل ءَ ریاستی زوراکی برجاہ اَنت ھنچیں رستریاں برجم کنگ اِنت کہ آ چماں گوں چارگ نہ بنت ءُ ھنچیں مسالانی زلماں تاجگ کنگ ءَ اَنت ءُ اشی ءِ پژدر زوراکیں زمانگ ءِ پالیسی بہ جن ءُ دور دیگ ءِ لڑ گشتر گندگ ءَ آیگ اِنت –

ماما قدیر بلوچ ءَ گوشتگ کہ ریاست نا ایوک ءَ سرجمیں پاکستانی چاگرد بلوچ نسل کُشی ءَ جائز گوشگ ءَ اَنت پرچاکہ آیانی چماں وتی بنکی ھک ءُ راجی پجار ءِ سرجم کنگ ءَ بلوچ جھدکار گدار اَنت اشی ءِ درشان سوشل میڈیا ءَ دیم ءَ اتکگ اَنت باز مردم زانگول کرتگیں جوناں وتی وشیانی پور ءَ کنگ ءَ کشگ بیتگیں مردماں بی ایل اے، بی ایل ایف ءِ سرمچار زاھر کنگ ءُ آیانی گون ءَ ھمے رنگ ءَ کنگ بیت اِنت -اے درچ پاکستانی سوسائٹی ءِ مائنڈ سیٹ ءِ تہ ءَ ایر اِنت اے وڑیں گپ بلوچانی زدگیں ٹپاں گیش واد پِریچگ ءُ گوست ءَ تاجگ کنگ ءِ ودارانی چماں پروشگ اِنت –

ماما قدیر بلوچ ءَ گُشتگ کہ بیگواھیں مردمانی جیڑہ آمیدگساں کیسانی درجی ءَ ابید انساپ ءِ ٹاپار جنوک دراھیں ریاستی ادارہ ءُ سرکاری ایواناں شتگ اَنت بلے داں انگت ءَ ھچ وڑیں گپ دیم ءَ نیتکگ اَنت پرچاکہ بلوچ ابید آمیدگس ءِ ھکم ءُ ارزی ءَ زانگولیں لاشانی دروشم ءَ دور دیگ ءِ سلسلگ نہ اوشتاتگ نانکہ اے ناوشیں رستری ءِ زمہ واری ریاستی کارندہ ءُ آئی ءِ زروارانی ھلاپ ءَ کاروائی ءِ امل آرگ بیتگ بس یکیں گپ ھمک روچ تاکانی سر ءَ بیان ءُ درشانی ملنڈ اَنت انیگیں سرکار وتی دراھیں کرتگیں زباناں ابید بلوچ کُش ریاستی کاروائیاں پھریزگ گوشگ اِنت اشی ءِ واستا ناشرکاری ءِ ھلاس کنگ ءَ نوک نوکیں نام دیم ءَ آرگ بیتگ اَنت –