تربت ءُ تمپ ءَ پاکستانی پوج ءِ سر ءَ بوتگیں اُرشانی زمّہ واری بی آر اے ءَ منّ اِتگ اَنت

کیچ ابدوئی ءُ آپسر ءَ زورگیریں پوج ءِ سر ءَ اُرش کُتگ سَے کارمند کُشتگ اَنت – بیبگر بلوچ

بلوچ آجوئی لوٹوکیں سلاہ بندیں گل بلوچ ریپبلکن آرمی ءِ جارکش بیبگر بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ مئے سرمچاراں زیکیں روچ ءَ تمپ ءِ دمگ ابدوئی ءُ شیپچار ءِ نیام ءَ وتگڑیں گولڈ سمتھ لائن ءِ سر ءَ ٹَٹ جنوکیں پاکستانی پوج ءِ پانگس ءِ ھاتر ءَ آپ بروکیں ٹولی ءُ پانگس ءِ سر ءَ یکیں وھد ءَ اُرش کتگ-

جارکش ءَ گوشتگ کہ اُرش ءِ آسر ءَ زورگیریں پوج ءِ دو کارمند مُرتگ اَنت ءُ یکے زدگ بوتگ- مدامی ءِ وڑ ءَ پاکستان ءِ پوج ءَ وتی پروش وارگ ءِ چیر دیگ ءِ ھاتر ءَ وتی یک کارمندے ءِ مَرگ ءِ ھال منّ اِتگ ءُ پروش وارتگیں پاکستانی پوج ءِ جارکش ءِ مئے سرمچارانی تاوان دیگ ءِ ھبر بے بنیں ءُ سیاھیں دروگے-

جارکش ءَ دیمتر ءَ گوشتگ کہ ھمے وڑ ءَ گوستگیں شپ ءَ مئے سرمچاراں تربت ءِ دمگ آپسر آپدُرُک ءَ زورگیریں پوج ءِ پانگس ءِ سر ءَ دستی بمب اُرشے کتگ ءُ یک کارمندے کُشتگ-

آئی ءَ گوشتگ کہ بلوچستان ءَ آجوئی ءَ داں مئے اُرش برجاہ مان اَنت-