بلوچستان ءِ تیاب دپی دمگ گوادر ءَ مولانا ھدایت الرحمان ءِ چیر دستی ءَ “بلوچستان حق دو تحریک ” مروچی بیست ءُ ھپت روچ سرجم بوتگ – بلوچستان ءِ جتا جتائیں ھند ءُ دمگانی مردماں بھر زرتگ ءُ ننداک ءَ جتگ نشتگ انت – انسانی ھکانی میان اُستمانی روچ ءِ درگت ءَ یک روانکے ھم کشگ بوتگ اَت – روانک ءَ مکران ءِ بازیں جاھاں چہ مردماں بازیں کچے ءَ بھر زرتگ اَت –
چہ جاوید کمپلیکلس ءَ لکانی کچ ءَ شھر ءِ جتا جتائیں دگاں پند ءَ روانک کشان ءَ بلوچستان ءَ انسانی ھکانی لگتمالی ءَ اوگام جتگ اَت بلوچستان ءِ راجدپتر ءَ اے مستریں روانک گوشگ ءَ بیگ ءَ دومی اے روانک ءُ زھرشانی ءِ سوبمندے اے ھم گوشگ بیگ ءَ اِنت کہ اے زھرشانی نندانک ءَ ھچ پاٹی ءِ نام پِر نیست بلکیں لس بلوچانی تحریک گوشگ بیگ ءَ اَنت –
بلوچستان ءَ حق دو تحریک ءِ سرکماش مولانا ھدایت الرحمن ءَ مچی ءَ تران کنان ءَ گُشت کہ مروچی مئے ننداک ءَ بیست ءُ ھپت روچ سرجم بوتگ کہ مئے بزگر ءُ ماھگیر سرجمیں مکران ءِ ورنایانی اوپار ءِ گون ءَ نندگ نوں راجدپتر ءِ تہ ءَ نبشتگ بوتگ ھما جھد ءِ راجدپتر زندگیں گیرت مندیں کومانی راجدپتر ءِ تہ ءَ گوادر ءِ بیست ءُ ھپتمی روچی یے ننداک زندگ انت ءُ زندگ بیت – زیکیں روچ ءَ لکھانی کچ ءَ مھلوک ءَ روانک کشیتگ بلے رسانکدر ھاموش انت ھچ پیش دارگ ءَ نہ انت مار ءَ گُش انت ما ھندوستان ءِ ایجنٹ انت بلے ما لوٹ کنیں درسیں کیبلانی واجھاں کہ اے رسانکدرانی نیوز اردو چینلاں وتی کیبل ءِ تہ ءَ مچلائین آھانی بائیکاٹ ءَ بہ کن انت –
آئی ءِ گوشگ ات کہ آئی جی پولیس راہ دیگ بوتگ کہ تو ھمینکس جون اسلام اباد ءَ دیم دے ما تر ءَ ترقی دے گڑا اشی ءَ ایس ایچ او مٹ کرتگ ءُ دبنگ آؤرتگ کہ اے کُشت ءُ کوش ءَ بیگواہ کنگ زبر انت ءُ اے ڈیت اسکواڈ ءُ منشیات بیپاریانی مردم انت بلے من آھاں گوشگ لوٹان کہ شما راج ءِ دبنگی نہ دیستگ –
آئی ءَ گوشت کہ نوں بس انت شما بلوچستان ءِ کبرستان آباد کُتگ انت شمارا نون بس انت کہ بازیں ورناہ ءِ کُشتگ ءُ بازیں ماتے بے سھارگ کتگ ءُ بازیں چُکے چورہ کتگ نوں ما نئیلیں کہ ورنا کُشگ آوار جنگ بہ بنت اگاں ناں بلوچستان ءَ آس لگ ایت – نوں ما جون چست نہ کنیں – ما ناں اگاں مئے یک باسکے دست بہ جن انت گڑا سی پیک ءُ گوادر پورٹ اد ءَ دیر نہ جنت – ما ھم چاریں اد ءَ کجام افیسر ءُ ڈی سی نندانت ءُ واجھی کن انت – ما سوبائی سرکار ءَ گوشگ لوٹیں وتی وزارتانی ھاتر ءَ چد ءُ گیش لاش چگل مہ دنت ما چد ءُ گیشتر لاش اوپار کت نہ کنیں –
آئی ءَ دیمتر ءَ زھرشانی نندانک ءَ تران کنان ءَ گُوشت کہ سَے ماہ ءِ تہ ءَ دہ لک مردمانی ھمراھی ءَ ما گوادر تاں شال ءَ روانک کشیں ھمود ءَ شال ءَ نندانک جنیں ءُ اود ءَ مئے لوٹ شراب ھانھانی بندی نہ بیت مئے لوٹ ھمیش بنت کہ ایپ سی بلوچستان ءَ چہ در کنگ بہ بیت ، بیگواھیں مردم یل کنگ بہ بنت، گوادر پورٹ ءِ نود ءُ ھشت درسد مارا بہ رس ایت ، ریکوڈک ءُ سیندک ءِ ھساب کتاب بہ بیت، سوئی گیس ءِ ھساب کتاب بہ بیت ءُ مئے اے نندانک ھنچیں بیت کہ راج دپتر ءَ تہ ءَ نبیسگ بیت اِنت –
آئی ءَ گوشت کہ زیکیں روچ ءَ کہ مئے کہ بلاھیں لکانی کچ ءَ مردمانی روانک ءِ بوتگ مارا یک کلدارے ھرچہ نہ بوتگ ھمیش ءَ راجی زرمبشت گوشگ بیت اگاں اے پاٹی ءِ روانکے بیت انت کم چہ کم دہ کروڈ ھرچہ بوتگ ات – بلے ما تاں شال ءَ بہ رؤئیں کہ اود ءَ دہ لک مردم ءَ گیش کئیت مئے ھچ ھرچہ نئیت ءُ ما اے سئیں ماھانی تہ ءَ بلوچستان ءِ کنڈ کنڈ ءَ روئیں مردماں داوت دئیں ءُ شال ءَ چہ دگہ سَے ماہ ءَ پد گوادر ءَ چہ بلوچستان ءِ مھلوک ءَ زیریں اسلام آباد رؤئیں ءُ اسلام آباد جُست گریں کہ تو مار ءَ سوبہ ءِ سرپد بئے یا کالونی ءِ مارا شھری سرپد بئے یا گلامے؟
آئی ءَ گُوشت شال ءُ پد ءَ اسلام آباد مئے زھرشانی ھمے وڑ برجاہ انت آ لشکر کشی کناں،کشت ءُ کوش کن اَنت یا مئے سر ءَ بمباری کن اَنت شر مئے لاشاں دیم دے اَنت شر ما پُرازم انت ھچ وڑ ءَ پاد نیائیں باندا دیگر ءِ نماز ءَ پد چہ شما شَور ءُ سَلاہ زوریں شمئے شَور ءُ سَلاھاں پد وتی آؤکیں کارانی درگت ءَ پیسلہ زوریں-
آئی ءَ گُشت کہ ادارہ وتی ڈیت اسکواڈاں لگام بہ دنت آھانی کارڈ ءُ سلاھاں پچ بگر انت ڈیت اسکواڈاں مئے سر ءَ مُسلت مہ کن ات ءُ مارا مہ ترسین ایت اگاں ڈیت اسکواڈ ءَ چیزے کُت گڑا ما مدام گُشیں کہ ما ریاست ءِ منوکیں گڑا ھما روچ ءَ وتی جار ءَ جنیں اے کُشندہ ءُ منشیات پروش مبارک باتاں ـ ما درسیں بلوچستان ءِ کشندھاں سرپدیں ءُ زانیں کہ تئی ساھگے چیر ءَ کُشت ءُ کوش کنگ انت-