جھل مگسی ءَ لیویز ءُ سلاہ بندیں مردمانی میان ءَ جنگ ءَ کارمندے ءَ ھوار دو مردم بیران

دی بلوچستان پتر ھال ءَ سربوتگیں ھالانی رِد ءَ بلوچستان ءِ دمگ جھل مگسی ءَ ناشناسیں سلاہ بندیں مردماں لیویز ءِ پانگس ءِ سر ءَ وتکاریں سلاھاں گوم ءَ اُرش کُتگ –

اُرش جھل مگسی ءِ دمگ گنداواہ گھاروں ءِ لیویز پانگس ءِ سر ءَ کنگ بوتگ، اُرش ءَ پد لیویز ءُ سلاہ بندانی میان ءَ جنگ بوتگ –

ھالانی رِد ءَ اُرش ءِ آسر ءَ لیویز ءِ کارمند فتح نامیں مردمے بیران بوتگ ءُ دگہ یکے زدگ بوتگ –

دمگی واکداراں اُرش ءِ ھبر راست کُتگ ءُ گوشتگ کہ اُرش ءَ یک اُرشکارے ھم بیران بوتگ بلے اُرشکار ءِ پجار تنی وھدی زاھر کنگ نہ بوتگ –