روکپتی بلوچستان: دگ ءِ وئیلے ءَ پنچ مردم بیران بیتگ اَنت

بیران بیتگیں مردمانی تہ ءَ دو کس روکپتی بلوچستان ءِ جھمنند اَنت ءُ آ دگہ سَے کس پاکستانی گوشگ بیگ ءَ اَنت-

سر بیتگیں ھالانی رد ءَ روکپتی بلوچستان ءِ دمگ جکیگوت پشین ءَ گاڑی ٹکر ورگ ءَ پنچ مردم ھما جاہ ءَ بیران بیتگ اَنت –

اھوالانی تہ ءَ گوشگ بیتگ کہ اشانی تہ ءُ دو کس ءِ سیادی سیستان و بلوچستان ءُ دگہ سَے کسانی سیادی پاکستان ءَ اِنت ءُ بلے اے زانگ نہ بیتگ کہ کجام ءِ نندوکیں مردم اَنت –

اشانی تہ ءَ دوکسانی پجار کہ سیستان و بلوچستان ءَ اشانی سیادی اِنت جاوید ھوتی ءُ ارشد ھوتی ءِ ناماں زانگ بیتگ اَنت-

بیران بیتگیں مردم پھزداراں چست کرتگ ءُ نادراہ جاہ ءُ رسینتگ اَنت، وئیل گیشتر دگانی سر ءَ ترندی ءِ روگ ءِ سبب گوشگ بیگ ءَ اَنت-

ایرانی سال چاردہ سد ءِ بندات ءِ چارومی ماہ ءَ بگر داں انیگ ءَ دگ ءِ وئیلاں دو ھشتاد ءُ ھپت بیران ءُ پنچ سد ءُ سِی مردم زدگ بیتگ اَنت –