کلات ءَ یوفون ٹاور ءِ سر ءَ بیتگیں اُرش ءِ زمّہ واری بی آر اے ءَ منّ اِتگ

کلات شورپارود ءَ یوفون ٹاور تراکناکیں شوروانی نشانگ جوڑ کتگ – بیبگر بلوچ

بلوچ ریپبلکن آرمی ءِ جارکش بیبگر بلوچ ءَ رسانکدراں وتی شنگ کرتگیں درشان ءِ تہ ءَ کلات ءِ دمگ شور پارود ءَ یوفون ٹاور ءِ سر ءَ بیتگیں اُرش ءِ زمّہ واری منّ اِتگ ءُ گوشتگ کہ گوستگیں شپ ءَ مئے سرمچاراں کلات ءِ دمگ شور پارود ءَ برجاھیں پاکستانی موبائل کمپنی یوفون ءِ ٹاور گوں تراکناکیں شورھاں تباہ کتگ ءُ کارگس ءِ تہ ءَ ساڑی ئیں مشینی اَزباب مانداشتگ ءُ تاوان داتگ انت-

جارکش ءَ گوشتگ کہ ما اے گپ ءَ تچک کنگ لوٹیں کہ موبائل کمپنی بلوچستان ءِ تہ ءَ آسراتی ءِ نام ءَ چہ کَھر ءَ کمتر نہ اَنت- کہ اِد ءَ بلوچ سلاہ بندیں جھدکاراں ھوار راجداریں باسکانی اوں بیگواہ کنگ ءَ تچک ءَ ریاست ءِ مشینری ءِ دروشم ءَ کارمرز بوگ ءَ اَنت –

آئی ءَ گوشتگ کہ یک نیمگے گوں ھمے کمپنیانی گٹہ ءُ مالیھاں ریاست چیر تَرّاتگیں مالی جاوراں گھتر کنگ انت ءُ دومی نیمگ ءَ سلاہ بندیں جھدکارانی موبائلاں ٹریس کنگ ءَ تچک ءَ کمککار ءِ دروشم ءَ کارمرز بوگ ءَ اَنت ءُ ایشانی بگیری ما وتی ارشانی تہ ءَ گیشی کاریں –