آواران : پاکستانی پوج ءِ سر ءَ دو اُرشاں پنچ کارندہ کُشتگ اَنت – بی ایل ایف

بلوچستان لبریشن فرنٹ ءِ جارکش میجر گْوھرام بلوچ ءَ آواران ءَ پاکستانی پوج ءِ سر ءَ دو اُرشانی زمہ واری منّ اِتگ ءُ گْوشتگ کہ مرچی مشکے ءِ دمگ جکی ءَ نیمروچ ءِ ادار یکّ ءَ پوج ءِ یک ویگو گاڑی یے گوں ریموٹ کنٹرول گون ءَ نشانگ کتگ-

آئی ءَ دیمتر ءَ گْوشتگ کہ تُرندیں اُرش ءِ تہ ءَ اَتکگیں گاڑی سرجم ءَ تباہ بوتگ ءُ آئی ءِ سواریں چار کارندہ مرتگ ءُ دو زدگ بوتگ اَنت-

جارکش ءَ گْوشتگ کہ گوستگیں روچ ءَ یکشمبے ءِ سُھب ءَ آواران ءِ دمگ جھاؤ نونڈڑہ ءَ پاکستانی پوج ءِ چوکی ءِ سر ءَ سرمچاراں اسنائپر رائفل اُرشے کتگ ءُ اُرش ءِ آسر ءَ یک کارندھے مرتگ-

میجر گْوھرام بلوچ ءَ گْوشتگ کہ زورگریں پوج ءِ سر ءَ اُرش داں زور گپتگیں بلوچستان ءِ وتواجھی ءَ برجاہ بنت-