شال ءَ پولیس گاڑی ءِ سر ءَ بوتگیں اُرش ءِ زمّہ واری بی ایل اے ءَ منّ اِتگ

اسپنی دگ ءِ سر ءَ پولیس سر ءَ دستی بمب اُرشے کُتگ سے کارمند زدگ کتگ اَنت – جئیند بلوچ

سربوتگیں ھالانی رِد ءَ بلوچستان ءِ بنجاھی شھر شال ءَ ناشناسیں پرپٹ سواراں پولیس گاڑی ءِ سر ءَ دزبمب اُرشے کُتگ –

اُرش شال ءَ اسپنی دگ ءِ سر ءَ پولیس ءِ گاڑی ءِ سر ءَ کنگ بوتگ، اُرش ءَ پولیس ءَ جانی تاوان رس اتگ ءُ ارش ءِ زمہ واری بی ایل اے ءَ منّ اِتگ-

بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ مئے سرمچاراں شال ءَ اسپنی دگ ءِ سر ءَ زورگیریں پاکستانی پولیس پوج ءِ سر ءَ دستی بمب اُرشے کتگ، اُرش ءِ آسر ءَ سَے پولیس کارمند زدگ بوتگ اَنت –

جارکش ءَ گوشتگ کہ بلوچ لبریشن آرمی بلوچستان ءِ سر ءَ زورگیریں پوج ءُ آئی داشتگیں دمگی دلارانی سر ءَ تاں ھما وھد ءَ مئے اُرش گیشی ءِ گوم ءَ برجاہ مان انت تانکہ زورگیریں پاکستانی بلوچستان ءِ سر ءَ وتی ایردستی ھلاس نہ کنت ءُ بلوچستان در نہ ایت –