بلوچستان ءِ تیابدپی شھر گوادر ءَ سی ٹی ڈی ءَ تراکناکیں شوروانی دزگرگ ءِ ٹاہ داتگ –
گیشیں ھالانی رد ءَ سی ٹی ڈی ءَ ٹاہ داتگ کہ ڈپٹی کمشنر ءِ کارگس ءِ نزیک ءَ یک پرپٹے ءَ تراکناکیں شورو پِٹ بیتگ اَنت-
ایس پی سی ٹی ڈی مھمد بلوچ ءِ رد ءَ دزکپتگیں شورو بمب ڈسپوزل اسکواڈ ءَ بے سوب کتگ اَنت-
پولیس ءِ رد ءَ بمب سرکاری نمبر پلیٹیں پرپٹے ءَ پِٹ بیتگ اَنت ءُ پولیس ءَ دو ناشناسیں مردم ھم دزگیر کرتگ اَنت –
پولیس ءِ رد ءَ دزگیر کرتگیں مردم پَٹ ءُ پول کنگ بیگ ءَ اَنت بلے تنی وھدی پولیس ءَ اے مردمانی نام دیم ءَ نیاؤرتگ اَنت –