ھاران واپڈا دگ ءَ بیگواہ بیتگیں نوشاد سیاہ پاد نامیں ورنایے ءِ کھول ءَ جوژان پریس کلب ءَ پریس کانفرنس کنان ءَ گوشتگ کہ 2021/11/29 ءِ شپ ءِ ساھت ھشت ءَ ھال چاگردی رسانکجاھاں سر بیتگ ءُ چریشی ءِ سبب ءَ ما یکدم پریشان بیتگ اِنت-
آیاں گُشتگ کہ نوشاد ءِ آوار جنگ ءَ یک روچے ءَ پیسر کھول ءِ گور ءَ گپ کتگ کی سی ٹی ڈی منی پشت ءَ اِنت مات ءِ تسلو دیگ ءَ پد نوشاد شپ ءَ وتی کارے ءَ بازار ءَ شتگ واپڈا دگ ءِ نزیک ءَ یک دکانے ءَ سی ٹی ڈی ءِ کارندھاں لَٹ ءُ کُٹ ءِ نشانگ کرتگ ءُ پرپٹ ءَ ھوار گوں وت برتگ کہ اے یک انسانے ءِ ھلاسی یے-
آیاں گُشتگ کہ نوشاد سیاہ پاد ءِ آوار جنگ ءَ پد مئے کھول ماژگی ناوشی ءِ آماچ اِنت سرجمیں لوگ ءِ والینوک یکیں نوشاد بیتگ – سر وزیر، چیف جسٹس، آرمی چیف، وزیر داکلہ ءُ دگہ ادارھاں گوں دزبندی اِنت نوشاد ءِ یل کنگ ءَ وتی کرد ءَ پیلو بہ کن اَنت دانکہ مئے کھول اے ناوشی ءَ رک اِت کت بہ کنت-