پنجگور : ایم آئی اے کارندہ ءِ سر ءَ بوتگیں اُرش ءِ زمہ واری ءَ منّ ایں – یو بی اے

یونائیٹڈ بلوچ آرمی ءِ جارکش مرید بلوچ ءَ ناشناسیں جاھے ءَ شنگ کتگیں درشان ءِ تہ ءَ گوشتگ کہ گوستگیں روچ ءَ پنجگور شھر ءَ زورگریں پاکستانی ریاستی ڈیتھ اسکواڈ ایم آئی کارندہ یاسر شاپاتانی ء فیض محمد ءِ سر ءَ بلوچ سرمچاراں اُرش کتگ ءُ اے اُرش ءِ زمہ واری ءَ یونائیٹڈ بلوچ آرمی منّ اِیت-

جارکش ءَ گوشتگ کہ یاسر شاپاتانی ء فیض محمد پاکستانی ریاستی ایجنسی ایم آئی ءِ ھاسیں کارندہ محبوب شاپاتانی دست راست یاسر شاپاتانی بلوچ سیاسی کارندھانی آوار جنگ ءُ شھیدی ءَ ھوار اِنت-

آئی ءَ گْوشتگ کہ یاسر شاپاتانی پاکستانی فوج ءُ ایم آئی چیردستی ءَ وتی دمگ ءِ کش ءُ گوراں دُز ءُ ڈُنگی ، چاگردی سلکاریاں تچکی ءَ ھوار اَنت یونائیٹڈ بلوچ آرمی ءِ اے وڑیں مردماں ھچ موکل ندنت کہ آ پاکستانی فوج ءُ ایم آئی ، آئی ایس آئی ءِ چیردستی ءَ چہ وتی بلوچ راج سر ءَ زُلم بہ کن اَنت یاسر شاپاتانی وڑیں سرجمیں مردم مئے نشانگ ءَ اَنت-

مرید بلوچ ءَ گْوشتگ کہ بلوچ راج ءَ گوں دزبندی اِنت کہ بلوچ راج ریاستی ڈیتھ اسکواڈ کارندھاں چہ گستا بہ بنت اے وڑیں مردمانی سر ءَ بلوچ سرمچارانی گیش جنگ برجاہ بنت