روکپتی بلوچستان: سلاہ بندانی تیرگواری ءَ یک ورنایے بیران

سلاہ بندیں مردمانی تیرگواری ءَ روکپتی بلوچستان ءَ یک ورنایے بیران بیتگ –

گیشیں ھالانی رد ءَ روکپتی بلوچستان ءِ دمگ ایرانشھر ءَ سلاہ بندیں مردمان تیرگواری کرتگ ءُ یک مردمے کُشتگ –

کُشگ بیتگیں مردم ءِ پجار عرشیا ایرندگانی ءِ نام ءَ زانگ بیتگ –

دمگی مردمانی گوشگ اِنت کہ کشوکاں کُشگ ءِ ھواری ءَ یک ھُنرے ساز اِتگ ءُ لاش ءِ گور ءَ توپک ایر کرتگ دانکہ اے ورنا ءَ وتکشی ءِ بھتام بہ لگ ایت-

روکپتی بلوچستان ءَ بندوکیں مردمانی گوشگ اِنت کہ اے سلاہ بند گیشتر ایرانی سرکار ءَ پہ چیریں ادارھانی واستا داشتگ اَنت بلے اشاں لس مھلوک وت ما وتی کوشانی سر ءَ کارمرد کنگ ءُ مردماں زوال کنگ ءَ اَنت –

ھمے وڑ ءَ روکپتی بلوچستان ءَ بازیں کچے ءَ مردمانی کوش رپورٹ بیتگ اَنت کہ اے نوکیں سال ءَ دو سد ءَ گیش مردم کُشگ بیتگ اَنت –