پریمئیر لیگ فٹبال گوازی برجاہ، یونائیٹڈ لیڈز ءَ یک گولے ءَ باج برتگ

دوشی شپ بوتگیں پریمئیر لیگ فٹبال گوازی ءَ یونائیٹڈ لیڈز ءَ کرسٹال پلیس ءِ دیم ءَ یک گول ءَ باج برتگ، وھدیکہ نیوکاسٹل ءُ ناروِچ سٹی یک یک دیمیگ بوتگ انت –

سَے شمبے روچ ءَ بوتگیں پریمئیر لیگ اولی فٹبال گوازی نیوکاسٹل ءُ ناروِچ سٹی ءِ میان ءَ بوتگ کہ ھردو ٹیمانی لیبیاں جوانیں لیب پیش داشت ءُ ھر دو ٹیم یک یک گول ءَ دیمیگ بوتگ انت –

ناروِچ ءُ نیوکاسٹل ءِ میان ءَ بوتگیں گوازی ءَ ناروِچ ءِ نیمگ ءَ لیبی سِی.ویلسن ءَ گول اسکور کتگ نیوکاسٹل ءِ نیمگ ءَ لیبی ٹی.پُکی ءَ داتگ –

پریمئیر لیگ ءِ دومی گوازی لیڈز یونائیٹڈ ءُ کریسٹال پلیس ءِ میان ءَ بوتگ کہ لیڈز یونائیٹڈ ءَ یک گول ءَ باج برتگ گوازی وتی نام ءَ کُتگ وھدیکہ کریسٹال ءِ نیمگ ءَ ھچ گول اسکور کنگ نبوتگ –

کریسٹال ءُ لیڈز یونائیٹڈ میان ءَ بوتگیں گوازی ءَ رفینھا ءَ گول اسکور کتگ ءُ گوازی لیدز یونائیٹڈ نام ءَ کتگ –