ھوشاپ ءَ پاکستانی پوج ءِ سر ءَ بوتگیں اُرش ءِ زمہ واری یو بی اے ءَ منّ اِتگ

سی پیک ءِ پھازگی پانگس ءِ سر ءَ اُرش کُتگ ءُ پوج ءَ را جانی ءُ مالی تاوان داتگ – مُرید بلوچ

گوستگیں روچاں ناشناسیں سلاہ بندیں مردماں کیچ ءِ دمگ ھوشاپ ءَ پاکستانی پوج ءِ پانگس ءِ سر ءَ اُرش کُتگ- اُرش ھوشاپ ءِ دمگ دمب ءَ سی پیک ءِ دگ ءِ پھازگی پوجی پانگس ءِ سر ءَ کنگ بوتگ چریشی ءَ پاکستانی پوج ءَ جانی تاوانانی دیمپانی بوتگ – اُرش ءِ زمّہ واری بلوچ آجوئی لوٹوکیں سلاہ بندیں گل یو بی اے منّ اِتگ –

یونائیٹڈ بلوچ آرمی ءِ جارکش مرید بلوچ ءَ رسانکدراں وتی شنگ کرتگیں درشان ءِ تہ ءَ اے اُرش ءِ زمّہ واری منّ اِتگ گوشتگ کہ مئے سرمچاراں بیست ءُ ھشت نومبر ءِ شپ ءَ ھوشاپ ءِ دمگ دمب ءَ سی پیک پھازگ ءِ ھاتر ءَ برجمیں پوجی پانگس ءِ سر ءَ راکٹ ءُ دگہ مزنیں سلاھاں گوں اُرش کتگ –

جارکش ءَ گوشتگ سرمچارانی اے اُرش ءَ پوج ءَ جانی ءُ مالی تاوان ءِ دیمپانی بوتگ – مئے اے دابیں اُرش بلوچستان ءِ آجوئی ءَ تاں برجاہ مان انت –