لچہ: پارلیمان پَرستانی نام ءَ
علیان بلوچ
دی بلوچستان پوسٹ
چم پچیں چہ کُور پھم ءَ ھیر لوُٹگ بیت کُجا
وتگڑیں رھشونءِ دُمبءَ کشک رندگ بیت کُجا
زاھرءَ ما دُرس ھون ءُ جون ءِ کِسّوُ ءَ کنیں
گپ بیت میِِر ءِ دپ ءِ مئے لبِز دارگ بیت کُجا
بَژن ! تئ بامرد ءَ زند ءَ لاپ چارینگ وتی
مُرتگ ءُ مُردارءِ پُرس ءَ دست دارگ بیت کُجا
دائما سودا جَتگ ھر پَتّر ءَ راج ءِ وتی
پارلیمانی دُز باندا گیر آرگ بیت کُجا
ما علی بے کِردیں بِلّے شعر پہ حقءَ گُشیں
گوں منا گوں جندے جانءِ گُوشت جاھگ بیت کُجا