پریمئیر لیگ فٹبال گوازی برجاہ، برینٹ فورڈ،ماچسٹر سٹی، لیسسٹر سٹی ءَ گوازی کٹ اِتگ اَنت

پریمئیر لیگ فٹبال گوازی ءَ گوستگیں روچ ءَ ھشت ٹیمانی میان ءَ گوازی کنگ بوتگ، ھشتیں ٹیمانی تہ ءَ برینٹ فورڈ ءَ ایورتون ءِ دیم ءَ یک گولے، مانچسٹر سٹی ءَ ویسٹ ھام ءِ دیم ءَ یکے، لیسسٹر سٹی ءَ وٹ فورڈ ءِ دیم ءَ دو، باج بُرتگ وھدیکہ چیلسیا ءُ مانچسٹر یونائیٹڈ یک یک گولے ءَ دیمیگ بوتگ انت –

یکشمبے روچ ءَ بوتگیں اولی گوازی برینٹ فورڈ ءُ ایورتون ءِ میان ءَ بوتگ کہ برینٹ فورڈ ءِ نیمگ ءَ یک گولے اسکور کنگ بوتگ، وھدیکہ ایورتون ءِ نیمگ ءَ ھچ گول اسکور کنگ نہ بوتگ ءُ برینٹ فورڈ ءَ گوازی کٹ اِتگ –
برینٹ فورڈ ءِ نیمگ ءَ اسکور کنگ بوتگیں گول برینٹ فورڈ ءِ لیبی آئی ٹونی ءَ داتگ –

ماچسٹر سٹی ءُ ویسٹ ھام ءِ میان ءَ بوتگیں گوازی ءَ مانچسٹر ءَ دو پہ یکی ءَ باج برتگ – ویسٹ ھام ءِ نیمگ ءَ یک گولے اسکور کنگ بوتگ کہ ویسٹ ہام ءِ لیبی ایم. لینزینی ءَ داتگ وھدیکہ مانچسٹر سٹی ءِ لیبی فرنندینھو ءُ ایلکے ءَ یک یک گول ءِ اسکور کتگ گوازی وتی ٹیم ءِ نام ءَ کتگ –

پریمئیر لیگ ءِ گوستگیں روچ ءَ بوتگیں سیمی گوازی لیسسٹر سٹی ءُ وٹ فورڈ ءِ میان ءَ بوتگ کہ لیسسٹر سٹی ءِ چار گول ءَ گوازی کٹ اتگ –

وٹ فورڈ ءِ نیمگے ءَ دو گول اسکور کنگ بوتگ کہ لیبی جے. کنگ ءُ اِی. بونوینچر ءَ داتگ انت وھدیکہ لیسسٹر ءِ لیبی جے.وردے ءَ دو ءُ اے.لُقمان ءُ جے.میڈیسن ءَ یک یک گولے اسکور کُتگ گوازی وتی نام ءَ کتگ اَنت –

چیلیسیا ءُ مانچسٹر یونائیٹڈ ءِ میان ءَ بوتگیں پریمئیر لیگ فٹبال گوازی ءَ ھردو ٹیمانی لیبیاں جوانیں لیب پیشداشت ءُ ھر دو ٹیم یک یک گولے ءَ دیمیگ بوتگ انت –

چلیسیا ءُ مانچسٹر یونائیٹڈ میان ءَ بوتگیں گوازی ءَ چیلسیا ءِ نیمگ ءَ یک گولے اسکور کنگ بوتگ اَنت کہ لیبی جورگینھو ءَ داتگ وھدیکہ مانچسٹر یونائیٹڈ لیبی جے.سینچو ءَ ھم یک گول ءِ اسکور کتگ ءُ ھردو ٹیم دیمیگ بوتگ انت –