روکپتی بلوچستان: عالم دین ناشناسیں مردمانی تیرگواری ءَ بیران

چہ روکپتی بلوچستان ءَ سر بیتگیں ھالانی رد ءَ ناشناسیں مردمانی تیرگواری ءَ یک عالم دینے بیران بیتگ-

تیرگواری ءِ وئیل روکپتی بلوچستان ءِ دمگ خاش ءَ پیش اتکگ کہ اود ءَ سلاہ بندیں پرپٹ سواریں مردمانی تیرگواری ءَ ناصر آباد ءِ جھمنندیں عالم دین بیران بیتگ –

بیران بیتگیں مردم ءِ پجار مولوی عبدالرحیم براھوئی عیدوزئی ءِ نام ءَ زانگ بیتگ –

ھالانی تہ ءَ گوشگ بیتگ کہ مولوی عبدالرحیم وتی میتگ ناصر آباد ءَ روگ ءَ بیتگ کہ سلاہ بندیں مردماں آئی ءِ سر ءَ تیرگواری کرتگ ءُ کُشتگ –

تیرگواری کنوک تچگ ءَ روگ ءَ سوبمند بیتگ اَنت ءُ کوش ءِ سبب تنی وھدی زانگ نہ بیتگ –

روکپتی بلوچستان ءَ یکشل ءَ مردمانی سر ءَ تیرگواریانی وئیلانی ھال رپورٹ بیگ ءَ اَنت ءُ دومی نیمگ ءَ بلوچ کمپئن فعالین ءِ رد ءَ ھمے گوزوکیں سال ءَ تنی وھدی روکپتی بلوچستان جتا جتائیں جاھاں دو سد ءِ کچ ءَ مردم کُشگ بیتگ اَنت –