بلوچ کوھانی زینت بو
لچہ: آبدرھشون
دی بلوچستان پوسٹ
بلوچ کوھانی زینت بو
پہ آشوب ءَ تو ھمّت بو
شھیدیں گیر گولاں کن
در ءَ باندات ءِ پولاں کن
وت ءَ سرمِکّیں بولان کن
مُراد ءُ یکّ مولاں کن
اے ھاکءِواجہ تو وت بو
پہ آشوب ءَ تو ھمت بو
وتن آجو بیت جنگ ءَ بیا
اے جنگءَگوں تپنگءَ بیا
چو نَرتول ءُ پلنگ ءَ بیا
بلوچی بیر ءِ رنگ ءَ بیا
ھمے رنگ ءَ نوں آدت بو
پہ آشوب ءَ تو ھمّت بو
اے کُنگُر ڈیھ ءِ گیران اَنت
چو گرند ءُ نپت ءُ بیران اَنت
گوں جنگی آس ءُ تیران اَنت
ابدمان ءُ نمیران اَنت
ھمیشاں تو گوں رھوت بو
پہ آشوب ءَ تو ھمت بو
جھان جُھد ءَ تئی سرپد
وتن ملّانی بیت مَلپَد
تپنگ ءِ دوست بیت کاگد
گوں تیراں نُگرھیں تئی نَد
گِھیں جنگ ءِ تلاوت بو
پہ آشوب ءَ تو ھمّت بو
اے وڈّ ءُ سیرکگیں ڈاک ءَ
ھمک سنگ اِنت تئی گویاک ءَ
تو مان ئے دپتر ءِ تاک ءَ
تئی پجّار گوں اے ھاک ءَ
تو رھشؔون ءِ اوں سنگت بو
پہ آشوب ءَ تو ھمّت بو