بلوچستان ءِ دمگ کیچ ءَ ناشناسیں مردماں پاکستانی پوج ءِ پانگس ءِ سرءَ اُرش کُتگ
ھندی اھوالانی ردءَ اُرش کیچ دمگ ءِ ھنکین تمپ کلاھو ءِ ھند ءَ بستگیں لشکریانی پانگس ءِ سرءَ مروچی بیگاہ ءَ شش ءُ نیم ءِ وھدءَ بیتگ۔
اھوالانی ردءَ اُرش ءِ آسر ءَ لشکریاں جانی تاوان ءِ دیمپانی کنگ کپتگ، بلے داں انگت اے درگت ءَ واکدارانی لیکہ دیما نئیتکگ۔
زانگ بہ بیت اے ھنکینانی تہءَ بلوچ آجوئی لوٹوکیں سلاہ بندیں گل مدام لشکریانی سرءَ اُرشانی زمہ واریاں من اَنت، بلے مرچیگیں اُرش انگت ھچ گل ءَ نہ من اِتگ۔