بساک ءِ ڈی جی خان ھنکین ءِ نیمگ ءَ نیاد

بلوچ اسٹوڈنٹس ایکشن کمیٹی ڈی جی خان ھنکین نیمگ ءَ دیوان ءِ اڈ دیگ بوتگ – دیوان ءِ گچینی مھمان بنجاھی کمیٹی ءِ باسک اظھر بلوچ بوتگ ءُ دیوان بنجاھی سرکیولر ، گوستگیں کارانی ھال، شرگداری ءِ سر ءَ باوست ءَ پد دیمتری کارانی سر ءَ بازیں پیسلہ زورگ بوتگ اَنت –

نیاد ءَ تران کنان ءَ بنجاھی کمیٹی ءِ باسک اظھر بلوچ ءِ گوشگ ات کہ ڈیرہ غازی خان ءَ روچ پہ روچ نودربر راجکاری مھکم تر بوان انت بساک ءَ ڈیرہ غازی خان ءِ نودربراں جھد ءُ دربرگ ءِ ھاتر ءَ بازیں موہ داتگ کہ نودربر جوانی ءَ دربرگ انت وانگ دربرگے املے بلے بدکسمتی ءَ ملک ءِ تہ ءَ وانگ ءِ نزام دربرگ ءَ چہ گیش مشین جوڑ کنگ انت – بساک وتی پلیٹ فارم ءَ چہ نودربراں دربرگ ءُ شاچشت ءِ موہ دیگ انت چریشی ءَ بلوچ ورناہ وتی راج ءِ تہ ءَ ساچشتی زھن پیدا کرت کن انت بلے ھنچوش کہ راجکاری یکجاھی لوٹانی ھاتر ءَ بہ بیت –

زانشجاھانی تہ ءَ نودربرانی ھکانی پھازگ آھاں راجکاری زانت دیگ ءِ ھاتر ءَ راجکاری المی انت ھمے ھاتر ءَ مار ءَ ورنایاں زانشجاھانی تہ ءَ شریں راجکاری ءِ کارانی پھال کنگ ءَ وتی کرد ءَ پیلو کنگی انت –

آئی ءَ گشت کہ زانشجاھانی تہ ءَ جیڑہ ءُ جنجال روچ پہ روچ گیش بوان انت ڈیرہ غازی خان ءِ شاھدربرجاہ ءُ وانگجاھانی جاورھال مئے دیم ءَ پدر انت –

آئی ءَ دیمتر ءَ گوشتگ کہ غازی شاھدربرجاہ ءَ ڈیرہ غازی ءِ پھازدارانی نیمگ ءَ کرپشن ءُ میرٹ لگتمالی روچ پہ روچ گیش بوان انت اشی ءَ ابید فیسانی تہ ءَ ھم گیشی آرگ بوگ انت – اے ڈُبہ بساک ءِ ھنکینی اگدہ دارانی سر ءَ انت کہ آ غازی شاھدربرجاہ ءَ ھوار ڈیرہ غازی خان ءِ دگہ زانشجاھاں کرپشن، میرٹ لگتمالی فیسانی گیشی ءِ بگیری ءَ جھد بہ کن انت – اشی ءَ ابید مار ءَ مھکمیں زانتکاریں راج ءِ جوڑ کنگے ھاتر ءَ اے راج ءِ ورناہ زھنی ھوالہ ءَ تیار کنگی انت –

آئی ءَ گُشت ماژگی ردوم ءِ ھاتر ءَ مار ءَ لوٹ ایت وتی چپ ءُ چاگرد ءِ درسیں انفارمل ڈسکیشنزانی تہ ءَ بدلی بیاریں ءُ گیش ءَ چہ گیش کتاب بہ وانیں – بساک ءِ درسیں باسکانی زمہ داری انت کہ وتی تہ ءَ اے مارشت ءَ پیدا بہ کن انت ءُ گل ءِ کاراں دیم ءَ بہ بر انت –

دیوان ءِ گڈی بنگپ دیمتری کارانی تہ ءَ بازیں پیسلہ ءِ زورگ بوتگ ءُ.دیوان ءِ گڈسر ءَ ھنکینی کارمستر حامد بلوچ ءِ گوشگ ات کہ ھمے زوتاں ڈیرہ غازی خان ءِ درسیں بنزہ پھال کنگ بنت ءُ غازی شاھدربر جاہ ءَ وانگی جیڑھانی سر ءَ یک برے پد ءَ جوانیں گامگیج زورگ بنت اِنت –