شال ءَ بیگواھیں مردمانی ھاتر ءَ زھرشانی برجاہ

بلوچ ءِ چُک ءُ زالبولانی زورانسری آوار جنی ءَ نام نھادیں راجدوست ھچ نہ گوشگ ءَ انت – ماما قدیر بلوچ

بلوچستان ءِ بنجاھی شھر شال ءَ پریس کلب ءِ دیم ءَ بیگواھیں مردمانی پانکجنیں گل وائس فار بلوچ مسنگ پرسنز ءِ زھرشانی برجاہ، زھرشانی ءَ مروچی چارھزار ءُ پنچ سد روچ سرجم بوتگ – چہ مشکے ءَ مردم اتکگ انت بیگواھیں مردمانی کھولانی گوم ءَ دلپدردی درشان اتگ ات –

اتکگیں مردمانی میان ءَ تران کنان ءَ ماما قدیر بلوچ ءِ گوشگ ات کہ بلوچستان ءَ مردمانی زورانسری آوار جنی ءُ ریاستی پوج دست ءَ آھانی کوشانی درچ یکشل ءَ برجاہ انت ریاست وڑ وڑ بیگواھیں مردماں کُشگ انت ءُ بلوچستان ءِ جتا جتائیں ھند ءُ دمگاں زورانسری آوارجنی ءِ درچ یکشل ءَ برجاہ انت –

ماما قدیر بلوچ ءِ رِد ءَ بلوچستان ءِ بازیں دمگاں ریاستی زوراکی برجاہ انت گوستگیں روچ ءَ پوج ءَ دو زالبول آوار جتگ ءُ بیگواہ کتگ اَنت کہ آھانی پجار برپی ءُ نیال ءِ ناماں چہ بوتگ انت –
ماما قدیر بلوچ ءِ گوشگ ات چُک ءُ زالبولانی آوارجنی ریاستی زوراکی ءِ کوھنیں آدت ئے بلوچستان ءَ اے وھدی ھستیں نام نھادیں راجدوستی راجداری داوا دار اے وئیلانی سر ءَ ھچ نہ گوشگ انت اے چیز آھانی بے وسی ءَ زاھر کنت –

ماما قدیر بلوچ ءِ گوشگ ات کہ اے نوکتریں دور ءَ زورانسری آوارجنی درچ پدردی ءُ دنیا ءِ ھچ نہ گوشگ ھیرانی اقوام متھدہ ءَ دیم ءَ آیگ لوٹ ایت ءُ اے زوراکیانی بگیری ءَ گامگیج زورگ لوٹ ایت-