بلوچستان: دو جتاھیں اُرشانی تہءَ پاکستانی پوج ءُ موبائل ٹاور ءِ سر ءَ اُرش کنگ بوتگ

بلوچستان ءِ خاران ءُ کیچ دمگ ءَ پاکستانی پوج ءُ موبائل ٹاور ءِ سر ءَ ناشناسیں سلاہ بنداں اُرش کُتگ –

بلوچستان ءِ دمگ خاران ءَ ناشناسیں سلاہ بندیں مردماں یوفون کمپنی ءِ ٹاور گوں تراکناکیں شورواں تباہ کتگ –

ٹاور خاران ءِ دمگ لجے ءَ ناشناسیں مردماں تباہ کتگ، اھوالکارانی رِد ءَ ناشناساں یوفون ٹاور تراکناکیں شورو پٹ کتگ ءُ تراکینتگ ءُ دگہ مشینری ساز ءُ سامان مانداشتگ اَنت –

ھمے وڑ کیچ دمگ ءِ زامران ھنکین ءَ ناشناسیں سلاہ بندیں مردمانی نیمگ ءَ بمب ناکارہ کنوکیں پوج ءِ ٹولی سر ءَ اُرش کنگ بوتگ –

بمب ناکارہ کنوکیں پوجی کارندھانی سر ءَ اُرش زامران ءِ ھند پگنزان ءَ کنگ بوتگ – اُرش ءِ آسر ءَ یک کارندھے ءِ ھما دمان ءَ مرتگ ءُ وھدے کہ دگہ یکے ٹپی بوتگ –

اے اُرش ءِ درگت ءَ انگت دمگی انتزامیہ ءَ پدری نہ کتگ نانکہ دوئیں اُرشانی زمہ واری کجام ھم سلاہ بندیں گلانی نیمگ ءَ منّگ بوتگ اَنت –