سربوتگیں ھالانی رِد ءَ بلوچستان ءِ دمگ مستونگ ءَ ھشت سالاں زورانسری آوار جنی ءَ پد بیگواہ بوتگیں لیوز ءِ سپاھیگ سعید احمد ءِ یل کنائینگے ھاتر ءَ آئی ءِ کھول ءَ شال تاں کراچی ءَ رؤکیں بنجاھی شاھدگ ءِ سر ءَ زھرشانی کُتگ چریشی ءَ روگ ءُ آھگ بند بوتگ –
گیشیں ھالانی رِد ءَ مروچی پنچ شمبے روچ ءَ سعید احمد ءِ کھول ءَ آئی ءِ یل کنائینگے ھاتر ءَ ڈی سی کارگس مستونگ ءِ دیم ءَ دگ بند کُتگ ءُ زھرشانی کتگ –
بازیں اداراں دگ ءِ بند بوھگ ءَ پد مستونگ ءِ ڈی سی ءَ کھول ءِ مردماں گوں گند نند کُتگ باور کنائینتگ انت کہ سعید احمد یل کنائینگ ءَ وتی کرد ءَ پیلو کن انت
مستونگ ڈی سی ءِ باور کنائینگ ءَ پد کھول ءِ مردماں زھرشانی ھلاس کُت ءُ گوشتگ کہ مار ءَ ھشت سال انت کہ زھرشانی انت –
آھانی گوشگ ات کہ ھشت سال انت کہ مئے کھول زند ازاب ءِ تہ ءَ گوزگ انت آھاں لوٹ کتگ کہ مار ءَ ھک دئیگ ےَ انسانی ھکانی ادارہ وتی کرد ءَ پیلو بہ کن انت –