کوھلو ءَ پوج ءِ سر ءَ بوتگیں اُرش ءِ زمّہ واری یو بی اے ءَ منّ اِتگ

کرمووڈ ءَ پوجی پانگس ءِ سر ءَ اُرش کتگ ءُ جانی ءُ مالی تاوان داتگ – مزار بلوچ

سربوتگیں ھالانی رِد ءَ مروچی ناشناسیں سلاہ بندیں مردماں کوھلو ءَ پوجی پانگس ءِ سر ءَ اُرش کتگ-

اُرش کوھلو ءِ دمگ کرمووڈ ءَ پاکستانی پوج ءِ پانگس ءِ سر ءَ کنگ بوتگ اُرش ءَ پوج ءَ جانی ءُ مالی تاوان دیمپانی بوتگ ءُ اُرش ءِ زمّہ واری بلوچ آجوئی لوٹوکیں سلاہ بندیں گل یوبی اے ءَ منّ اِتگ –

یونائیٹڈ بلوچ آرمی ءِ جارکش مزار بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ مئے سرمچاراں مروچی پنچ ءُ سِی ءَ کوھلو ءِ دمگ کرمووڈ ءَ برجاھیں زورگیریں پوجی پانگس ءِ سر ءَ مزنیں سلاھاں گوں اُرش کُتگ –

جارکش ءَ گوشتگ کہ اُرش ءِ آسر ءَ زورگیریں پوج ءَ جانی ءُ مالی تاوان رستگ – مئے اُرش بلوچستان ءِ آجوئی ءَ تاں برجاہ مان انت –