شاھرگ ءَ پاکستانی پوج ءِ سر ءَ اُرش ءَ پد برزی لشکر کشی

بلوچستان ءِ دمگ ھرنائی ءِ ھند شاھرگ ءَ پاکستانی پوج ءِ نیمگ ءَ برزی لشکر کشی بندات کنگ بیتگ –

گوستگیں روچ ءِ بیگاہ ءَ شاھرگ ءِ دمگ زر آلو ءَ پوجی چیک پوسٹ ءِ سر ءَ سلاہ بندیں مردماں اُرش کرتگ اَت – مروچی سھب ءَ پوج ءِ نیمگ ءَ شاھرگ ءُ کش ءُ گوری دمگاں برزی لشکر کشی بندات کنگ بیتگ –

ٹی بی پی ءَ سر بیتگیں ھالانی رد ءَ لشکر کشی ءَ شَش ءِ کچ ءَ ھیلی کاپٹر بھر زرتگ ءُ کہ چریشانی تہ ءَ گن شپ ھیلی کاپٹر ھم ھوار بیتگ اَنت بلے دگہ جانی تاوانی ھال سر نہ بیتگ اَنت –

واکداراں گوستگیں روچ ءَ بیتگیں اُرش ءُ مروچیگیں لشکر لشکر کشی ءِ بارو ءَ ھچ نہ گوشتگ ءُ اُرش ءِ زمہ واری ھم تنی وھدی ھچ گل ءَ نہ منّ اِتگ –