کیچ ءَ پاکستانی پوج ءِ سر ءَ بوتگیں اُرشانی زمّہ واری بی آر اے ءَ منّ اِتگ

کولواہ ءُ ھوشاپ ءَ سی پیک ءِ پھازگی پوجی پانگِسانی سر اُرش کتگ دو کارمند کُشتگ – بیبگر بلوچ

سربوتگیں ھالانی رِد ءَ گوستگیں روچ ءَ ناشناسیں سلاہ بندیں مردماں کیچ ءِ دمگ ھوشاپ ءُ کولواہ ءَ پاکستانی پوج ءِ پانگس آنی سر ءَ اُرش – اُرش ءَ پاکستانی پوج ءَ جانی تاوان رستگ –

اھوالکار ءِ رِد ءَ اولی اُرش کولواہ ءِ دمگ کلدان ءَ سی پیک دگ ءِ سر برجاھیں پانگس ءِ سر ءَ کنگ بوتگ ءُ دومی اُرش ھوشاپ ءَ شیشان کور ءَ ھم سی پیک ءِ پھازگی پانگس ءِ سر ءَ کنگ بوتگ ، ھردو اُرشانی زمہ واری بلوچ آجوئی لوٹوکیں سلاہ بندیں گل بی آر اے ءَ منّ اِتگ انت –

بلوچ ریپبلکن آرمی ءِ جارکش بیبگر بلوچ ءَ رسانکدراں وتی شنگ کرتگیں درشان ءِ ھردو اُرشانی زمّہ واری منّ اِتگ گوشتگ کہ مئے سرمچاراں گوستگیں روچ ءِ ادار دو ءِ نزیک ءَ کیچ ءِ دمگ کولواہ کلدان ءَ سی پیک پھازگ ءِ ھاتر ءَ برجاھیں زورگیریں پاکستانی پوج ءِ پانگس ءِ سر ءَ راکٹ ءُ وتکاریں سلاھانی گوم ءَ اُرش کتگ – اُرش ءَ یک کارمند ءِ مُرتگ ءُ دو زدگ بوتگ –

جارکش ءَ دیمتر ءَ گوشتگ کہ ھمے وڈ گوستگیں بیگاھے ادار شش ءَ مئے سرمچاراں کیچ ءِ دمگ ھوشاپ شیشان کور سی پیک ءِ پھازگی پانگس ءِ سر دور جنگیں ءُ وتکاریں سلاھاں گوں اُرش کتگ، اُرش ءَ یک پوجی کارمند ءِ مُرتگ ءُ یکے زدگ بوتگ –

گڈسر ءَ جارکش ءَ وتی درشان ءِ تہ ءَ گوشتگ کہ مئے اے دابیں اُرش بلوچستان ءِ آجوئی ءَ تاں برجاہ مان انت –