وی بی ایم پی ءَ بلوچستان ءِ شھیدانی روچ ءِ درگت ءَ شال ءَ روانک ءِ جار پِرینتگ

بیگواھیں مردمانی پانکجنیں گل وائس فار بلوچ مسنگ پرسنز ءِ نیمگ ءَ سیزدہ نومبر ءَ بلوچستان ءِ شھیدانی روچ ءَ شال ءَ روانک ءِ جار پرینتگ –

وائس فار بلوچ مسنگ پرسنز ءِ رھشون ماما قدیر بلوچ ءِ رِد ءَ سیزدہ نومبر ءَ شال ءَ بلوچستان ءِ شھیدانی روچ دارگ بیت اِنت –

ماما قدیر بلوچ ءِ گوشگ ات کہ بلوچستان ءِ شھیدانی روچ ھر سال سیزدہ نومبر ءَ برجم دارگ بیت اِنت وھدیکہ اے سال ءَ ھم شال ءَ وائس فار بلوچ مسنگ پرسنز ءِ سربراھی ءَ روانک ءِ کشگ بیت اِنت –

ماما قدیر بلوچ ءِ گوشتگ کہ وائس فار بلوچ مسنگ پرسنز ھر سال اے روچ ءَ شھیداں دروت ندر کنگ ءِ ھاتر ءَ مراگش اڈ دنت –

ماما قدیر بلوچ ءَ دیمتر ءَ گوشتگ کہ ھر سال ءِ وڑ ءَ اے سال ءَ ھم وائس فار بلوچ مسنگ پرسنز ءِ بنجل ءَ شھیدانی روچ دارگ بیت اِنت ءُ روانک ءِ کشگ بیت اِنت –

ماما قدیر بلوچ ءَ گوشتگ کہ شال ءِ نندوکیں درسیں بلوچ روانک ءِ بھر بہ بنت ءُ وتی شھیداں دروت ندر بہ کن انت-