ندر پہ شیر زالیں مات لمہ یاسمین ءِ نام ءَ
شائر: سلیم ناز
دی بلوچستان پوسٹ
درداں همپاس کناں جبین ءَ من
بلّے باهوٹ بیاں زمین ءَ من
تو منی زّر گوں مڈیاں برتگ
جنگ کناں گوں ترا یکین ءَ من
سنگراں نشتگاں مزارین بچ
تئی دل ءَ سوچاں چو کہ تین ءَ من
داتگ ریحان ءَ بیرکے بڈ ءَ
من شمئے مات یاسمین ءَ من
هلک ءِ مئی درچک ءُ دار گلام اَنت هم
چی کناں اے وڑیں سمین ءَ من
سرمچاراں هدا سلامت کنت
دژمن ءِ شّر پروشاں گین ءَ من
کول بہ سبز انت سلیم امیتانی
مرکب ءَ سوار بان دّرین ءَ من