رودراتکی بلوچستان ءِ ھنکین تمپ کوھاڈ ءِ جھمنندیں مردمے روکپتی بلوچستان ءَ کُشگ بیتگ۔
کُشگ بیتگیں مردم ءِ پجار نبی بخش ء رحمت ءِ نام ءَ بیتگ۔
اھوالانی رد ءَ کُشگ بیتگیں مردم پوجی بیڑاں چہ سانمند بیتگیں مردمے بیتگ کہ لاچاری ءَ وتی ھنکین ءَ لَڈاِتگ ءُ اے وھد ءَ روکپتی بلوچستان ءَ زند گوازینگ ءَ بیتگ۔
ھالانی ردءَ چہ اِشی ءَ پیسر رودراتکی بلوچستان ءَ کُشگ بیتگیں مردم ءِ لوگ ءِ سر ءَ پاکستانی لشکریاں باز بر ءَ بیڑ بُرتگ ءُ سَے رند ءَ لوگ مان ھم داشتگ اَنت۔
بلے داں انگت کوش ءِ سبب زانگ نہ بیتگ اَنت وھدیکہ اھوالانی ردءَ بیران بیتگیں مردم سَے روچ پیسر چہ وتی لوگ ءَ درکپتگ اَت ءُ کھول ءِ مردماں گوں آئی اھوال بیگ ءَ نہ بیتگ ءُ مروچی آئی ءِ تیر سُبتگیں جون روکپتی بلوچستان ءِ دمگ پیروکر ءَ چہ دزکپتگ۔
زانگ بہ بیت چد ءُ پیسر ھم روکپتی بلوچستان ءَ رودراتکی بلوچستان ءِ مردم نشانگ کنگ بیگ ءَ اَنت۔
بلوچ راجدوستیں مھلوکانی ردءَ چُشیں کارانی تہءَ سد در سد پاکستانی چیریں گل ھوار اَنت۔