تربت ءَ پاکستانی پوج ءِ سر ءَ بیتگیں اُرش ءِ زمہ واری بی ایل ایف ءَ منّ اِتگ

گوستگیں شپ ءَ سلاہ بندیں مردماں بلوچستان ءِ دمگ کیچ ءِ بنجاھی شھر تربت ءَ پاکستانی پوج ءِ چوکی ءِ سر ءَ اُرش کرتگ- اُرش ءَ پوج ءَ جانی ءُ مالی تاوانی دیمپانی کپتگ –

دومی نیمگ ءَ بلوچستان لبریشن فرنٹ ءِ جارکش میجر گوھرام بلوچ ءَ رسانکدراں شنگ کرتگیں درشان ءِ تہ ءَ تربت ءَ بیتگیں اُرش ءِ زمہ واری منّ اِتگ –

بی ایل ایف ءِ جارکش میجر گوھرام بلوچ ءَ گوشتگ کہ گوستگیں شپ ءَ تربت ءَ آبسر ءَ ابداروک چوکی ءِ سر ءَ سرمچاراں وتکاریں سلاھانی گون ءَ اُرش کرتگ –

جارکش ءَ گوشتگ کہ اے اُرش ءَ پوجیانی دو کارندہ مرتگ اَنت ءُ یکے زدگ بیتگ – اُرش ءَ پد زورگریں پوج ءَ پروش وارتگ ءُ لس آبادی ءِ سر ءَ تیرگواری اش کرتگ –

میجر گوھرام بلوچ ءَ گشتگ کہ بلوچستان ءِ آجوئی ءَ داں زورگریں پوج ءِ سر ءَ اُرش برجاہ مان اَنت-