نوشکی: پوج ءَ لوگے ءَ بیڑ برتگ، دو ورنا آوار جتگ اَنت

بلوچستان ءِ دمگ نوشکی ءَ پاکستانی پوج ءَ دو آوار جنگ ءَ پد پھمیانیں جاھاں برتگ اَنت –

بلوچستان نیشنل پاٹی ءِ رھشون میر خورشید جمالدینی ءَ شال ءَ وائس فار بلوچ مسنگ پرسنز ءِ بنجل ءَ اتکگ ءُ اے گپ جتگ اَنت –

میر خورشید جمالدینی ءِ گوشگ اَت کہ پاٹی ءِ گوستگیں رھشون ھدامرزی ئیں سرور ءِ پسگ بھرزور ء نوبھار چہ نوشکی ءَ پاکستانی پوج ءَ دزگیر کنگ ءَ پھمیانیں جاھاں برتگ اَنت چریشی ءَ پد آیانی ھچ ھال نیست اِنت –

آئی ءَ گشتگ کہ پوج ءَ شپ ء تھاری ءَ چادر ءُ چار دیوالی لگتمال کتگ اَنت اے ورنا آوار جتگ اَنت- آئی ءَ گشتگ کہ اگاں کسے ءَ جرمے کرتگ گڑا آ کانونی رنگ ءَ گرگ بہ بیت اِنت –