بلوچ اسٹوڈنٹس ایکشن کمیٹی کراچی ھنکین ءِ ملیر بنزہ ءِ نیاد گوستگیں روچ ءَ بزاں 31 اکتوبر 2021 بلوچ اسٹوڈنٹس ایکشن کمیٹی ملیر بُنزہ ءِ کماش نور خان بلوچ ءِ چیردستی ءَ برجم دارگ بوتگ، دیوان ءِ گچینی ءِ مھمان ھنکینی کارگُشاد سنگت معراج بلوچ بیتگ ءُ دیوان جتا جتائیں بنگپانی سر ءَ بیتگ –
دیوان ءِ اولی بنگپ ھنکینی سرکولر، گوستگیں بنزہ ءِ اھوال، شرگداری ، گَل ءِ کار، ھندی ءُ میان استمانی راجکاری جاور ھال، آیوکیں گامگیج ھَندی ءُ میان اُستمانی راجکاری ءُ جاور ھال ءُ آیوکیں گامگیج ءِ بن گپانی سر ءَ دلجمی ءَ تْران کنان ءَ دیوان ءِ مھمان ء ھاس ءَ گْوشت کہ دُگنیا ءِ راجکاری ءُ جاور ءُ گوں تیزی ءَ بدل بوگ ءَ اَنت، مئے چپ ءُ چاگرد ءَ چونین کہ بدلی ءِ کیت گڑاں آئی ءِ پُشدر مئے دمک ءُ دراں ھم کاینت ءُ ما یک ھدے ءَ داں سان زُور اِیں، بستار ءِ یک وانندگ گل ، مارا دُگنیا ءِ تیزی ءِ گوں ءَ مٹ بوھکیں جاور ءُ ھالانی بارو ءَ سرپد بوگی اِنت وھدیکہ ما سرپد بہ اِیں گڑاں ما وتی مھلوک ءَ را سرپد کُت کن اِیں۔
نیاد ءَ بھر زیروکیں باسکاں گَل ءِ کارانی سر ءَ گپ کُت ءُ گْوشت کہ مئے راجکاری بلوچ نیشلنزم ءِ سر ءَ اِنت ءُ مارا مدام پہ وتی راج ءُ راج ءِ بزگی ءُ گوں ھستیں جاوراں ءُ جیڑھانی مارشت بوگی اِنت۔ مارا گوں وتی گَل ءِ کاراں ءُ گل سَسا ءِ سر ءَ ھچ رنگ ءَ پد نہ کنزگی اِنت، پرچاکہ اے جاوراں ما گوں مُچی ءَ بہ رککیں اِیں گڑاں مارا وتی اداره مھکم کنگ لوٹ اَنت ءُ گوں گل ءِ کاراں ءَ کمپرومائز کنگی نہ اِنت۔
نیاد ءَ آیاں گُوشت کہ گَل ءِ باسک گَل ءِ سرجم ءَ پاسداری ءَ گوں سِتک ءَ بہ کن اَنت کہ باسک گَل ءِ ھر کار ءُ رھبندکار ءَ گوں اِیمنی ءَ پیلو بہ کن اَنت، بلے نگد ءِ ارزشت ھم بے ھیال کنگی نہ اِنت۔
نیاد ءَ تران کنوکاں گوشت کہ نگد ءِ سر ءَ گپ کناں سنگتاں گْوستگیں کارانی سر ءَ ھُورت چاری کُت ءُ رَدیانی شون دات پہ دیمتر ءِ کارانی گھتر کنگ ءِ ھاتر ءَ سَلاہ دات ءُ نگد ءِ ارزشت ءِ سر ءَ گپ کُت ءُ گْوشت اش کہ ادارھانی تہ ءَ نگد ءِ بلاھیں ارزشتے ھست اِنت ءُ هر ھما اداره کہ اود ءَ گند ئے رھبند بیت آ گل ءُ ادارھاں کدی ھم تاوان ءِ بار نہ بنت هر گامگیج ءِ نگد کنگ ءَ پیسر مارا آھی ءِ گھتری شون دِیگی اِنت، نگد ءِ مول ءُ مُراد ھم گھتری آراگی اِنت، بلے برے برے نگد ءِ نام ءَ چیزے مردُم وتی زِدّ ءُ کینگ ءَ دار اَنت ، اے یک سکیں بلاھیں سلیں کارے ءُ بلاھیں تاوانے ، دیمتر ءَ سنگتان گْوشت کہ مئے گَل ءِ سنگت اے وڑیں سلیں نادراھیاں چَہ وت ءَ بہ رِکین اِت ۔
دیوان ءَ جُتا جتائیں سرھالانی سر ءَ گوں دلجمی ءَ گپ ءُ باوست ءَ رند آیوکیں گامگیج ءِ بُنگپ ایر کنگ بوت کہ اود ءَ بنزہ ءِ کارگُشاد ءَ دیوان ھنکینی کارگشاد ءِ دست ءَ دات ءُ ھنکینی کارگشاد ءَ ھستیں بنزہ ءِ ھلاس کنگ ءِ جار نوکیں بُنزھے دیم ءَ آرگ بوت۔ نوکیں بُنزہ ءِ تھ ءَ گل زیب بلوچ بنزہ ءِ کماش، نعیم بلوچ کُمک کماش، زیب النیسا کارگُشاد، حسنین بلوچ کُمک کارگُشاد، ءُ وسیم بلوچ شنگ کار گچین کنگ بوتگ اَنت ایشان ھوار ءَ ثنا بلوچ ءُ شاه تاج بلوچ گَلز کوارڈینیٹر زورگ بوتگ اَنت۔
گُڈسر ءَ ھنکینی کارگُشاد معراج بلوچ ءَ نوک گچین بوتگیں بنزہ ءِ سنگت سوگند دات اَنت ءُ ھمے اُمیت درشان کُت کہ نوکیں سنگت گل ءِ کاراں پہ شرّی ءَ دیم ءَ بَر انت ءُ ھچ چُشیں کارے ءِ بھر نہ بنت کہ آئی ءِ سبب ءَ گَل ءُ گَل ءِ کار تاوان ءِ بھر بہ بیت ءُ چُش مہ بیت بلوچ وانندگ چَہ یک وانندگیں گَلے ءَ زِبھر بہ بیت-