بلوچستان ءِ دمگ پنجگور ءِ بنجاھی بازار چتکان ءَ پولیس ءَ بمبے درگپتگءُ بےسوب کُتگ۔
پولیس ءِ رد ءَ گھڑی چارراہ ءِ نزیک ءَ تراک ءِ ھاتر ءَ چیرداتگیں بمب درگیجگ بیتگ، پولیس ءُ پھازگی لشکریاں بمب بے سوب کُتگ۔
پولیس ءِ رد ءَ گھڑی چارراہ ءَ دزکپتگیں بمب ریموٹ کنٹرول ڈیوائسے بیتگ کہ دزگرگ ءَ پد بے سوب کنگ بیتگ۔
زانگ بہ بیت کہ گوستگیں روچ ءَ پنجگور ءِ بنجاھی بازار ءَ لشکریانی اولاک ءِ سرءَ تراکے بیتگ اَت۔
پولیس ءَ گوستگیں روچ ءِ تراک راست کُتگ ءُ گُشتگ کہ تراک آماچ بیتگیں اولاک سک باز سانمند بیتگ ءُ اولاک ءَ سواریں سئے کارمند ٹپی ھم بیتگ اَنت۔
وھدیکہ داں انگت زیکیں روچ ءَ لشکریانی سر ءَ بیتگیں اُرش ءِ زمہ واری داں انگت کسہ نہ من اِتگ۔